Қазақстандағы тың игеру Қостанай облысының мемлекеттік мұрағатында зерттелді
- Подробности
- Опубликовано: 15 мая 2019
2019 жылы 15 мамырда Қостанай облысының мемлекеттік архивінде өткен Тың игерудің 65 жылдығына арналған кездесу-таныстырылымның қатысушылары «тың жерлерді игеру дәуірлік оқиға болды және Қазақстанның экономикасы мен өнеркәсібін дамытуда маңызды рөл атқарды» деген қорытындыға келді.
Қонақтар назарына «Армысың, тың алқабы!» фотоқұжаттық көрме ұсынылды, «Тың – менің бақытым!» қасқаметражды фильм көрсетілді, алғашқы тың игерушілер Л. Ф. Лемпер мен Г. Ф. Николаенко мен Қостанай қаласының қоғам қайраткерлері мен ғалымдары сөз сөйледі.
Кездесудегі спикерлер қатарында ҚХА кафедрасының профессоры, тарих ғылымдарының кандидаты В. Г. Вишниченко болды.
Ол өз сөзінде Ұлт Көшбасшысы Н.Назарбаевтың «Тың – ХХ ғасырдың орасан зор әлеуметтік-экономикалық жобасы» деп, тың және тыңайған жерлерді игерудің орындылығы туралы дауға түпкілікті нүкте қойғанын атап өтті.
Осыған байланысты біз тың игеруді меңгерген және тың игерген, сол кездегі ел алдында тұрған – халықты асырау міндетін өз жанкешті еңбегімен шешкен барлық адамдарға шексіз ризамыз.
Және бұл міндет қысқа мерзімде керемет жүзеге асырылды.
«Бүгін кездесуде атап өту керек, - деді В. Г. Вишниченко, - біз Тың және тыңайған жерлерді жаппай игеру күнін атап өтудеміз, бірақ шын мәнінде тың - 3 кезеңде өткен эпопея. Бірінші кезең 1928 жылдың сәуірінен бастап тың жерлерде егіс егетін ірі кеңшарларды ұйымдастыру қажеттілігі туралы БКП ОК(б) қаулысынан басталды. Екінші кезең ХХ ғасырдың 40-шы жылдарының басына жатады. Үшінші кезең - ОК 1954 жылғы ақпан-наурыз Пленумының қаулысымен басталды. Бүгін біз Тыңның республикадағы астық шаруашылығының қалыптасуы мен дамуындағы маңызды кезең болып табылғанын және Қазақстанның жетістіктеріне маңызды іргетас қалағанын түсіне отырып мақтан тұтамыз».
