Тобыл қаласындағы кәсіптік бағдар беру жұмысы
- Подробности
- Опубликовано: 22 января 2020
2020 жылдың 22 қаңтарында психология және педагогика факультеті, мектепке дейінгі және бастауыш білім беру кафедрасының оқытушысы А.А.Агеева «Қостанай ауданы әкімдігінің білім бөлімінің Тобыл қаласы мектеп-гиназиясы» мемлекеттік мекемесінде кәсіптік бағдар беру жұмысын өткізді.Мектеп-гимназияда 9 және 11 сынып оқушыларының ата-аналары үшін акт залында жиналыс ұйымдастырылды.
Жиналған ата-аналар өздерін қызықтырған мәселелер бойынша сұрақтар қойды. Оқытушы Ө.Сұлтанғазин атындағы ҚМПУ туралы жан-жақты ақпарат беріп, білім беру бағдарламалары, университетте оқудың артықшылықтары туралы, сонымен қатар, ҚР жаңа «Педагог мәртебесі туралы» Заңының негізгі ережелерімен таныстырып өтті. Ата-аналардың басты назары университет туралы жан-жақты қажетті ақпараттар қамтылған ақпараттық буклеттерге аударылды. Онда біздің университет қабырғасында білім алу – бұл жарқын болашаққа апаратын жол екендігі атап көрсетілді.
Кездесу ата-аналармен ашық-жарқын, шынайы қарым-қатынаста өтті. Ө.Сұлтанғазин атындағы ҚМПУ-ға оқуға түсуде мектеп түлектерінің мемлекеттік грант игеру атанудың мүмкіндіктері, сол сияқты ақылы негізде оқудың жолдары нақты мысалдармен және нұсқалы мүмкіндіктермен түсіндіріліді.
