![](/images/articles/2017-2/ospanov.jpg)
ҚМПИ ғалымы Ы.Алтынсарин атындағы мемлекеттік ғылыми сыйлыққа ие болды
- Подробности
- Опубликовано: 22 ноября 2017
![](/images/articles/2017-2/ospanov.jpg)
Қазақстандық ғылымның дамуына зор үлес қосқан, соның ішінде қазақтың танымал ағартушы-педагогы Ыбырай Алтынсариннің педагогикалық және шығармашылық мұрасын зерттеп және дәріптеп жүрген филология ғылымдарының кандидаты, доцент, Ы.Алтынсарин атындағы орталықтың маманы Серікбай Оспанұлы Ы.Алтынсарин атындағы Мемлекеттік ғылыми сыйлықтың иегері атанды.
Серікбай Оспанұлы - белгілі қазақ ақыны, «Жер жүрегі», «Жарқын жастық», «Қоңыраугүл», «Айгүл»», «Алтын арқау», «Батыр туралы баллада» еңбектерінің және көптеген жинақтардың авторы. Қазақстан жазушылар одағының, Халықаралық жазушылар одағының мүшесі. Ол көптеген беделді халықаралық, республикалық және облыстық конкурстардың лауреаты, «Еңбектегі ерлігі үшін» медалімен марапатталды. Оның қаламынан 200-ден астам ән дүниеге келді, олардың көпшілігі халық жүрегінен орын алған өте танымал әндердің қатарында. Өз уақытында автордың шығармалары «Ана тілі» 2,3,4 бастауыш мектептің жинақтарына енгізілген.
Сонымен қатар, Серікбай Оспанұлы - белгілі ғалым, бірқатар ғылыми еңбектердің авторы, олардың арасында «Сырбай Мәуленов – журналист, публицист», «Ахмет өскен ақындық орта», «Қазақ ақындарының публицистикасы», «Журналистикаға кіріспе», «Ұлы ұстаз ұлағаты», «Неугасимое пламя», «Ақындар әлемі», «Алтынсарин әлемі».Лингвистика, журналистика, әдебиет, жергілікті тарих мәселелері бойынша 80-нен астам ғылыми мақалаларын жазды және жариялады. Оның ғылыми қызметінің бағыттарының бірі - Ыбырай Алтынсариннің өмірі мен қызметі туралы зерттеу.
Педагогика кафедрасының қызметкерлері Серікбай Оспановты педагогика саласындағы мемлекеттік сыйлықтың иегері атануымен құттықтап, жаңа жетістіктер мен жеңістер тілейді!