«Үздік ерікті 2019» байқауының жеңімпазы
- Подробности
- Опубликовано: 07 декабря 2019
2019 жылдың 7 желтоқсанында Жастар Сарайында «Үздік ерікті 2019» байқауының жеңімпаздарын марапаттау рәсімі өтті.
«Үздік ерікті 2019» атағын психология-педагогикалық факультеттің педагогика кафедрасының оқытушысы, гуманитарлық ғылымдар магистрі Бекенова Асия Кыкпаевна иеленді.
Асия Кыкпаевна 4 жыл бойы әлеуметтік еріктілік қызметпен айналысады, «Қарлығаш – балалардың бейімделуі мен әлеуметтенуі мектебі» студенттік инновациялық жобасының жетекшісі. Бұл жобаның мақсаты жетім балалардың, ата-анасының қамқорлығынсыз қалған және әлеуметтік жағдайы төмен отбасылардағы балалардың бейімделуіне және әлеуметтенуіне жағдай жасау болып табылады.
Мектеп 4 негізгі бағытта түрлі жобаларды жүзеге асырады: білім беру, әлеуметтендіру, кәсіптік бағдар, қайырымдылық.
Асия Кыкпаевна, дипломмен және бағалы сыйлықтармен марапатталды.
Шығармашылық табыс, жаңа жетістіктер, қызықты идеялар және әрі қарай өркендеу тілейміз!
