«ҚМПИ көктем балы - 2016»
- Подробности
- Опубликовано: 31 марта 2016
2016 жылғы 31 наурызда «Премиум Палас» мейрамханасында әлеуметтік-тәрбие жұмыстары жөніндегі басқарманың ұйымдастыруымен институт студенттеріне арналған «ҚМПИ көктем балы - 2016» іс-шарасы өтті. Аталған іс-шара жоо тарихында алғаш рет өткізілді. Көптеген студент қатысуға қызығушылық білдіріп, жалпы саны екі жүзден аса адам жиналды. Қойылған негізгі талап – киім үлгісінің сәйкес келуі ғана емес (қыздарға кешкі ұзын көйлек, жігіттерге қара костюм) бал биін билеу білу де керек болды. Көктем балын құттықтау сөзімен институт проректоры, профессор Е.А.Әбіл ашты. Студенттерге бал биі конкурсына қатысу ұсынылды.
Іс-шарада биден үш байқау өткізілді: «цветочный вальс», «радужный вальс» және махаббат вальсі. Сонымен қатар іс-шара көрермендеріне түрлі байқаулар мен зияткерлік ойындар ұйымдастырылды. Байқау қорытындысы бойынша әділ қазылар мүшелері байқау жеңімпаздарын анықтады: «Цветочный вальс» - Ғалымжан Махшат және Гүл Дүйсенбаева, «радужный валсь» - Амина Сексенбаева және Андрей Байкалов, махаббат вальсі – Ербол Сеит және Ансат Нурпейсова. Балда Нарбек Есенжолов және Айткүл Ержігіт бал патшасы мен патшайымы атанды. Іс-шара одан әрі бимен жалғасты.
