1-курс студенттерінің студенттік және жастар ұйымының төрағаларымен кездесу
- Подробности
- Опубликовано: 14 сентября 2017
2017 жылдың 14 қыркүйек күні ҚМПИ акт залында бірінші курс студенттерінің институт белсенділерімен, студенттік және жастар ұйымының көшбасшыларымен, клуб төрағаларымен кездесу өтті. Бүгінгі таңда ҚМПИ әкімшілігінің алдына қойған негізгі міндеті - оқу орнымыздың әр студентін қоғамдық өмірге баулу. Аталмыш кездесу бірінші курс студенттерінің танымы мен азаматтық белсенділікті арттыру және әлеуметтік бейімделуіне бағытталған. Өз шығармашылығын шыңдауға мүмкіндік беретін жастар ұйымы мен клубтарын таныстыру үшін «Жас Отан» ЖҚ басқарушысы Ерлан Тулетаев, ҚМПИ спортклубының басқарушысы Тулегенов А.Б., Қостанай облыстық «Жайдарман» қозғалысының координаторы Арман Жолданов, хореограф Жалғасбек Шокенов, Қостанай қаласы бойынша Қазақстанның Альянс студенттерінің лидері Бексултанова Асылгүл, дебат клубының басқарушылары – Арыстан Нұралы мен Пиненко Станислав сөз сөйледі. Олардың әрқайсысы өз ұйымдарының міндеттері мен қызметі жайында сөз қозғады.
