17 қараша – Халықаралық студенттер күні
- Подробности
- Опубликовано: 17 ноября 2017
Қостанай мемлекеттік педагогикалық институтында, Халықаралық студенттер күніне арналған мерекелік іс-шара өтті. Институт акт залында ҚМПИ студенттер альянсы студенттері күшімен, институт қабырғасында бұрын білім алған, қазіргі таңда мәдениет, мемлекеттік қызмет т.б. салаларда жұмыс жасайтын бұрынғы студенттерді шақыру арқылы атап өтілді. Біздің институт студенттері біздің аймақта қазақ КВН-нің бастаушылары болып табылады. Мерекелік іс-шара вокалист студенттердің 15 өлеңнен құралған заманауи микс әнінен басталды.
Әрі қарай сахнаға біздің ЖОО-ның түлектері, қазіргі таңда филармония солистері Оспанов Анвар мен Пикулева Анастасия шақырылып, керемет әндерімен көрермендерге керемет көңіл күй сыйлады. Сахнада кейін институттың би топтары «Фиеста» танго биімен, «ROYALS» өзбек және заманауи биімен өз өнерлерін көрсетті. Өнер кафедрасының ұзтазы, ҚМПИ түлегі Амирхамзин Наурызбай бірінші курс студенті Сайлау Алия жұп болып, домбырада күй тартып сайысты. Іс-шараға бірінші қазақ және орыс тіліндегі КВН ойыншылары қазіргі жайдарманшылармен сахнада бірге өнер көрсетіп, әзілдерімен көрермендерге күлкі сыйлады. Мерекелік іс-шара түлектерді марапаттаумен, түлектердің алғыз сөздерімен және «Музыкалық білім» мамандығының түлегі Нүриден Кабыкеннің әнімен аяқталды.
