Қостанай Мемлекеттiк Педагогикалық Университеты

2016 жылдың 15 сәуірінде Қостанай мемлекеттік педагогикалық институтында ағымдағы жылы оқу бітіруші түлектерді жұмыспен қамту мақсатында «Бос жұмыс орындарының жәрмеңкесі» өткізілді. Жәрмеңкеге үш қалалық және 12 аудандық білім бөлімдерінің өкілдері, мектеп директорлары, Қостанай қаласы колледждерінің өкілдері, мектепке дейінгі мекемелердің директорлары мен әдіскерлері, халықты жұмыспен қамту орталығы қатысты. Жәрмеңке бағдарламасы бойынша алғы сөз ҚМПИ ректорының міндетін атқарушы Әбіл Еркін Аманжолұлына берілді. Жәрмеңкке барысында Қостанай облысы әкімдігі білім Басқармасы жалпы, орта білім беру бөлімінің бас маманы Татыбаева Махабат Шакатовна «Қазақстан Республикасының бағдарламалық құжаттарында белгіленген міндеттерді шешудегі жаңашыл ұстаздың рөлі» және Қостанай қаласы жұмыспен қамту орталығының маманы Науменко Ирина Станиславовнаның баяндамалары тыңдалды. Амангелді ауданы әкімдігі білім бөлімінің «А. Нұрманов атындағы орта мектебі» ММ директоры Абишев Рауан Мухамедқалиұлы түлектерді бос жұмыс орындары және жұмыс жасау жағдайы туралы мәселелермен таныстырды.

Өндірістік және педагогикалық практикалар өту нәтижесінде болашақ жұмыс орындарын айқындаған институтымыздың 25 түлегіне жұмысқа жолдама табыстау рәсімі өткізілді. Қатысушылардың назарына концерттік бағдарлама ұсынылды.
108 жұмыс беруші институтымыздың болашақ түлектерімен жеке әңгімелесті. Қарабалық, Қарасу және Меңдіқара аудандарынан көп өкілдер қатысты.
Білім беру мекемелерінде ең қажетті жұмыс орындары математика, физика, орыс тілі мен әдебиеті мұғалімдері және тәрбиешілер. «Бос жұмыс орындарының жәрмеңкесі - 2016» іс-шарасына институтымыздың 22 мамандығының студенттері қатысты. Кездесу нәтижесінде студенттердің 65 пайызы білім беру мекемелеріне жұмысқа шақырту алды.