Студенттік инновациялық жобалар байқауы
- Подробности
- Опубликовано: 22 апреля 2016
2016 жылдың 22 сәуірінде Қостанай мемлекеттік педагогикалық институтында Қазақстан Республикасы Тәуелсіздігінің 25-жылдығына арналған студенттік инновациялық жобалар байқауының қорытынды кезеңі өтті. Байқаудың басты мақсаттары мен міндеттері: Қазақстан Республикасының интеллекті әлеуетін қалыптастыруға жәрдемдесу; Студенттердің ғылыми-зерттеу және оқу-танымдық қызметін ынталандыру; Дарынды студенттерді таңдау және оларға қолдау көрсету.
Қазақстан Республикасы Тәуелсіздігінің 25-жылдығына арналған жооішілік инновациялық жобалар байқауы 3 кезеңде өтті. Бұл байқау өткен оқу жылындағы студенттер өміріндегі ең басты оқиғалардың бірі болды. Аталмыш байқау студенттерге өзі таңдаған ғылым саласындағы білімдерін жетілдіріп, ой-өрісін дамытып, ғылыми жетекшілерінің жетекшілігімен ғылыми-зерттеу, ғылыми-тәжірибе дағдыларын қалыптастыруға бірден-бір септігін тигізері сөзсіз. Сараптама комиссиясының шешімі бойынша 6 команда үздік танылды. Ұсынылған жобаларды білікті қазылар алқасы бағалады. Оның құрамына алқа төрағасы болып Қостанай облыстық кәсіпкерлер палатасының директоры Мұрат Телғараұлы Әбенов тағайындалды.
Алқа мүшелері:
- Педагогика ғылымдарының кандидаты, доцент, ҚМПИ тәрбие жұмысы және әлеуметтік-экономикалық мәселелер жөніндегі проректоры Тілеген Әлмұханұлы Ахметов;
- А.Байтұрсынов атындағы Қостанай мемлекеттік университеті инновациялық ғылыми-білім беру орталығының директоры, ветеринарлық ғылымдарының кандидаты Сабит Кабдышевич Коканов;
- ҚМПИ ректорының м.а., тарих ғылымдарының докторы, профессор Еркін Аманжолұлы Әбіл;
- «Даму» қорының өкілі, құзіреттілікті арттыру бағдарламасы жөніндегі менеджер Асель Муратовна Казакова.
Жоба сын тұрғысынан қызу талқыға түсіп, институт ғалымдарының қызығушылығын тудырды, ол өз кезегінде байқауға ғылыми, өзекті сипат берді.
Байқау жеңімпаздары:
- Тарих және өнер факультетінің командасы, «Қазақстан тарихы» мамандығының студенттері Ернар Жаксыбаев, Жанбота Ғани;
- Дене шынықтыру, спорт және туризм факультеті, «Туризм» мамандығы студенттерінің командасы Васкез Гильберто Муньоз, Аскар Асылханович Хакимов, Вероника Юрьевна Хван, Виктория Викторовна Хорошевская;
- Шетел тілдері факультетінің студенттер командасы Улнур Әкебарқызы Отебай, Мадина Жангалиевна Казбекова, Елена Эдуардовна Муштакова, Асель Багдатовна Утенова.
Қазақстан Республикасы Тәуелсіздігінің 25-жылдығына арналған үздік инновациялық жоба институтішілік байқауының жеңімпаздары ректор м.а бұйрығымен I, II, III дәрежелі дипломдармен марапатталып, 1 орынға 100 000 теңге, 2 орынға 60 000 теңге, 3 орынға 40 000 теңге көлемінде ақшалай сыйлыққа ие болды.
Байқаудың барлық қатысушылары осындай іс-шараларды жиі өткізуге тілектерін білдірді. Себебі аталған іс-шара басқа қатысушылардың жұмыстарымен танысуға, сөйлемдерін логикалық тұрғыдан дұрыс құрастыруға, өз көзқарасын дәлелдеуге, баламалы түсініктер ұсынуға септігін тигізіп, коммуниктивтік қабілеттерін дамытуда құнды тәжірибе болды.
