«Студенттік көктем – 2014» спорттық іс-шаралары
- Подробности
- Опубликовано: 16 мая 2014
Қостанай мемлекеттік педагогикалық институтында ХХ облыстық жооаралық «Студенттік көктем - 2014» «Мәңгілік ел – Мәңгілік Қазақстан» спорттық бағдарламасында тоғызқұмалақ бойынша жарыстың бірінші түрі аяқталды. 1-орын ҚМПИ қанжығасына байланып, 2-орынды А.Байтұрсынов атындағы ҚМУ иеленді, ал 3-орын Ы.Алтынсарин атындағы Арқалық мемлекеттік педагогикалық институтына бұйырды.
Жасөспірімдер арасында күтпеген жерден Нұрболат Жамантай (АрқМПИ) белгілі спортшы Думан Өтебаев (ҚМУ) пен Медет Биғазинді (ҚМПИ) артқа тастап, жеңіс тұғырына көтерілді. Ал қыздар арасында 2014 жылғы Азия чемпионы, тоғызқұмалақ бойынша халықаралық кластағы спорты шебері, дене шынықтыру, спорт және туризм факультетінің 3 курс студенті Айым Мұхаметқалиева сенімді түрде 1-орынға көтерілсе, 2-орынды ҚМУ өкілі Самал Маусымбаева, 3-орынды Арқалықтан келген Әсел Алдиярова атты студент иеленді.
Күрестен Торғай аймағынан келген команда жүлдегерлер санына байланысты 1-орынды иеленіп, ағайынды Джваридзелердің арқасында М.Дулатов атындағы Қостанай инженерлік-экономикалық университеті 3-орынды місе тұтты.
