Ы.Алтынсарин мұражайында өткен тағылымы мол көрме
- Подробности
- Опубликовано: 25 декабря 2013
Қостанай қаласындағы Ы.Алтынсарин атындағы мемориалдық мұражайда өлкемізден шыққан тарихшы, тарих ғылымдарының докторы, профессор Әмір Қанапиннің туғанына 100 жыл толуына орай «Дарынды дала перзенті» тақырыбында көрме ұйымдастырылды. Көрмеге ғалымның өмірінің жарқын сәттерінен сыр шертетін фото-суреттері, диплом-грамоталары, қолданған заттары және мәдениет саласына арналған ғылыми еңбектері қойылған.
Көрмеге қаламыздағы мектеп оқушылары, ЖОО-нан тарихшы оқытушылар, журналистер қатысты. Алғашқы кіріспе сөзді мұражай директоры, белгілі ақын Н.Мұқатов сөйледі. Одан әрі студенттік кезден ғалым туралы көп зерттеп, өзінің диплом жұмысын жазған Қостанай мемлекеттік педагогикалық институты, Қазақстан тарихы кафедрасының оқытушысы, тарих магистрі Н.Елкей Әмір Қанапиннің өмірі мен ғылыми мұрасы, қоғамдық қызметі жөнінде баяндады.
Көрме қонақтар үшін маңызды болғаны сондай, ғалым туралы көп мағлұматтар алып, көрмеден соң естелік фото-суретке түсті.
