«Көптілділік заманауи білімнің бір басымдылығы ретінде: жағдайы, проблемалары, келешегі»
- Подробности
- Опубликовано: 23 апреля 2014
23.04.14 сағат 15.00-де мәжіліс залында «Көптілділік заманауи білімнің бір басымдылығы ретінде: жағдайы, проблемалары, келешегі» тақырыбында дөңгелек үстел өтті. Іс-шараны шетел тілдері факультеті практикалық лингвистика кафедрасының оқытушылары ұйымдастырды. Дөңгелек үстелге ҚМПИ оқытушылары мен студенттері қатысты. Сонымен қатар оқу және әдістемелік жұмыстар жөніндегі проректор М.Ә.Төлеген, тілдер департаментінің өкілі Т.Б.Табулдинова, көптілділік орталығының меңгерушісі Г.К.Жанбуршинова қатысты. Аға оқытушы, ф.ғ.к. Қ.Т.Нұрмұхаметова кіріспе сөзінде:
- Тәуелсіз Қазақстанның тіл саясатының мақсаты – көптілді тұлғаны қалыптастыру;
- ҚМПИ-да көптілді білімді іске асыру мәселелері секілді өзекті мәселелерді талқылауға ұсынды.
Шетел тілдері факультетінің деканы Е.Л.Дорошок «Қостанай мемлекеттік педагогикалық институтындағы көптілді білім» тақырыбында баяндама оқып, баяндаманың үшінші сұрағында қозғалған Қостанай мемлекеттік педагогикалық институтындағы көптілді білімді іске асыру мәселелеріне қатысушылар үлкен қызығушылық білдірді. Осы сұрақ төңірегінде жаратылыстану-математика факультетінде көптілді кадрлар дайындаудың жетістіктері мен проблемалары жайлы факультет деканы Д.М.Қонысбаева баяндама оқыды. Студенттер өз пікірлерін айтып, ұсыныстарын білдірді, ойда жүрген сұрақтарын қойды. Қатысушылар дәлел ретінде үш тілде қазақ, орыс, ағылшын тілдерінде сөйледі. Мысалы, ЖМФ 1 курс студенті А.Москаленко келешекте кәсіптік қызметінде мемлекеттік тілді үйренудің маңызын ерекше атап өтті (А.Москаленко мамандығы бойынша терминдерді сауатты меңгергендігі сондай, қазақ тілінде ойын еркін айта білді).
Пікірталас соңында қатысушылар басталған тақырыпты аяқсыз қалдырмай, жалғастырып, осы бағдарламаны іске асыру барысында туындаған проблемаларды бірге шешіп, ұсыныс, тәжірибелерімен алмасуды ұйғарды.
Пікірталас соңында қатысушылар басталған тақырыпты аяқсыз қалдырмай, жалғастырып, осы бағдарламаны іске асыру барысында туындаған проблемаларды бірге шешіп, ұсыныс, тәжірибелерімен алмасуды ұйғарды.
