Қазақстан Республикасының Президенті Н. Ә. Назарбаевтың А. "Болашаққа көзқарас: қоғамдық сананы жаңғырту" бағдарламалық мақаласын іске асыру шеңберінде және болашақ мамандықты таңдау барысында білім алушыларға кәсіби бағдар беру мақсатында ағымдағы жылдың 13 қарашасында Федоров ауылында аудан әкімі Тауба Қайыржанұлы Исабаев, аудандық білім беру бөлімінің басшысы Динара Әбдікәрімқызы Бектыбаеваның қатысуымен 9, 11 сынып оқушылары үшін "Мамандықтар әлемі" кәсіптік бағдар беру жұмысы бойынша III аудандық форум өткізілді.
09.11.2018 ж. Жаратылыстану-математика факультеті, «Химия» мамандығының 3-курс студенттері ақын, жазушы, филология ғылымдарының кандитаты, профессор Серікбай Оспановпен «Рухани жаңғыру – болашаққа бағдар» бағдарламасы аясындағы «Алтынсарин әлемі» атты кездесу кешін ұйымдастырды. Бұл кеште ақын ағамыз студенттерге «Алтынсарин және оның мұраларын зерттеу» туралы біраз ақпарат беріп, өзінің көптеген жаңалықтарымен бөлісіп, студенттерді айтарлықтай таңқалдырды. Сонымен қоса, студенттер тарапынан ақын ағамызға: «Бізге қызық… Сіздің ойыңызша ақындық өмір, ақындық әлем қандай өмір, оның қыры мен сыры неде? Сізге осы өмір несімен ұнайды?», «Осы өмір жолыңыздан түйіп, түсінгеніңіз көп те шығар... Алайда өзіңіздің жүрегіңіз бағынатын, өмірлік ұстанымыңыз қандай?» деген біршама қызықты да, мәнді-мағыналы сұрақтар қойылды.
6 қараша 2018 жылы Балғабай Гаухар Закарянованың жетекшілігімен «Дене шынықтыру және спорт» мамандығының 1 курс студенттерімен «Рухани Жанғыру» бағдарламасының аясында кездесу өтті. Кездесу барысында Гаухар Закарьяновна осы бағдарламалардың негізгі бағыттары:бәсекелестікке қабілеттілігі, прагматизм, ұлттық идентификацияны сақтау, мәдени ұғым, эволюциялық даму және ой-көкіретің кенейуі туралы ақпараттармен бөлісті. Соңымен қоса біздің университет қабырғасында жүзеге асырылатын жобалар оқылды.
2018 жылы 2 қарашада Қостанай мемлекеттік педагогикалық университеті Қостанай облысының архивімен бірлесе отырып «Қоғамдық сананы жаңғыртудағы мұрағаттың рөлі» ғылыми-тәжірибелік конференциясын ұйымдастырды. Іс-шара алдында «ҚОМА» ММ құжаттарының тақырыптық экспозизияларымен «Мұрағатшы болу – мақтанышымыз!» фотоқұжаттар көрмесі қатысушылар назарына ұсынылды. Конференцияда келесі тақырыптар қозғалды: «Қостанай қалалық мемлекеттік архивінің материалдары бойынша 1936-1939 жж. Қостанай облысы тұрғындарының рухани өмірінің жағдайы», «Қостанай қалалық мемлекеттік архивінің құжаттары бойынша Қостанай нақты ғылымдар мектебі тарихынан», «Ахмет Байтұрсыновтың өмірбаянына қатысты тарихи деректер» және т.б.
2018 жылы 26 қазанда Ғылым және халықаралық байланыстар басқармасы Қостанай облысы әкімдігінің Ішкі саясат басқармасымен және «ГрИн» Қостанай облысының Азаматтық Альянсы» қоғамдық қорымен бірлесе отырып «Рухани жаңғыру Қазақстанның төртінші өнеркәсіптік революция жағдайындағы дамуының негізгі факторы ретінде» тақырыбында дөңгелек үстел ұйымдастырды, оның басты міндеттері келесідей болды: қоғамдық сана шеңберінде елдің мемлекеттік саясатын қолдау деңгейін көтеру.
2018 жылғы 26 қазанда ақпараттық – кітапхана орталығынның оқу залында «Жаңа гуманитарлық білім. Қазақ тіліндегі 100 жаңа оқулық» жобасы аясында қазақ тіліне аударылған кітаптардың тұсаукесері өтті. Шараға қоғамдық пәндер, құқық негіздері және экономика кафедрасының профессор– оқытушылар құрамы мен студенттері шақырылды. Оқулықтарды кафедра меңгерушісі, философия ғылымдарының кандидаты, доцент А.Б.Амантаева, тарих ғылымдарының кандидаты, профессор Т.Қ.Әлібек, экономика ғылымдарының кандидаты, доцент Қ.Т.Тобылов.
2018 жылдың 20 қазанында филология факультетінің деканы, филология ғылымдарының кандидаты, доцент Есіркепова К.Қ. Қазақстан-Қостанай ұлттық телеарнасының тілшілеріне латын әліпбиінің ереже, емлелеріне қатысты сұхбат берді. Сұхбаттың мақсаты - латын графикасына негізделген әліпбиге көшу барысынан хабардар ету. Қазіргі таңда латын әліпбиіне көшу бағытын жүзеге асыру мақсатында өте ауқымды жұмыстар атқарылып жатыр. Соның бірі, Ахмет Байтұрсынұлы атындағы Тіл білімі институты мен Ш.Шаяхметов атындағы «Тіл-Қазына» Ұлттық ғылыми-практикалық орталығы жасаған жобасы.
2018 жылдың 12 қазанында психология және педагогика факультетінің барлық мамандықтарының 1 курс студенттеріне «Рухани жаңғыру» бағдарламасын түсіндіруге арналған «Рухани жаңғырудың жарқын жолы» тақырыбында іс-шара өткізілді. Аталған іс-шара «Рухани жаңғыру» бағдарламасының негізгі жобаларымен таныстыру, қазақстандық патриотизмді қалыптастыру мен тәрбиелеу және ақпараттық-түсіндірме жұмысын жүргізу мақсатында ұйымдастырылып өткізілді. «Бастауышта оқытудың педагогикасы мен әдістемесі» мамандығының 1 курс студенттері Егизекова Диана, Дьякова Наталья, Атабаев Бахит, Нурбаева Нургуль «Рухани Жаңғыру»: «Тәрбие және білім», «Атамекен», «Қостанай облысының киелі жерлері географиясы», «100 жаңа есім» бағдарламасы туралы ақпараттарды баяндап, белсенділік танытты.
2018 жылы 12 қазанда қосымша және қашықтықтан білім беру факультетінің студенттері үшін ҚМПУ жобалық кеңсесінің бастығы Г.З. Балғабаева "Рухани жаңғыру" мемлекеттік бағдарламасын жүзеге асыруға арналған дәріс оқыды. Дәріс барысында мемлекеттік тілдің латын әліпбиіне көшу мәселелері, сондай-ақ "Қазақстанның рухани қасиетті жерлері", "Қазақстанның 100 жаңа тұлғалары", "Жаһандық әлемдегі қазіргі қазақстандық мәдениет" жобаларының ерекшеліктері қарастырылды. Дәріскер Жобалық офис қызметінің негізгі мазмұнын таныстырды.
2018 жылдың 27 қыркүйегі күні филология факультеті, қазақ тілі мен әдебиеті кафедрасының ұйымдастыруымен "Жастар шығармашылығын дамыту мен қолдау – рухани жаңғыру негізі" тақырыбында облыстық "Қостанай таңы" газетінің редакция ұжымымен кездесу болып өтті. Кездесудің негізгі мақсаты – жастарды шығармашылыққа баулу, жергілікті баспасөзбен шығармашылық байланыс орнату, қоғамдық сананы жаңғырта отырып, белсенділіктерін арттыру.
