2016 жылдың 2 ақпан күні қазақ тілі мен әдебиеті кафедрасының оқу-әдістемелік апталығы аясында «Білімді ұрпақ - ел болашағы» атты интеллектуалды сайыс өткізілді. Сайысқа 2-3 курс студенттерінен құралған төрт топ қатысты. Әр топтың аты, ұраны болды. Сайыстың жеңімпазы болып «Асылдың сынығы» тобы анықталды. Сайыста қазақ тіл білімі мен әдебиетінің әр саласына қатысты тапсырмалар қамтылған. Оқытушылар мен студенттер атынан жеңімпаздарды шын жүректен құттықтаймыз!
Қазақ тілі мен әдебиеті кафедрасының апталығы барысында 02.02.2016 ж. «Білікті маман – ұлт болашағы» тақырыбында 1-3 курс студенттері арасында видеоролик сайысы өткізілді. 1 курс (12 ҚҚ) дайындаған видеоролик сайыстың жеңімпазы болып атанды. 2 орынды 3 курс (32 ҚҚ), 3 орынды 2 курс (21ҚҚ) студенттері алды.
2016 жылдың 2 қаңтарында жастар арасында діни экстремизмнің алдын алу және конфессияаралық келісімге тәрбиелеу мақсатында жаратылыстану-математика факультетінің «Математика», «Информатика» мамандықтарының 1-курс студенттеріне арналған Қостанай қалалық мешітінің иманымен кездесу өтті. Іс-шараның негізгі мақсаты студенттерге дін жөніндегі ақпаратты толық және тиянақты жеткізу болып табылады.
2016 ж. 1 ақпанында факультеттің ашылған күніне орайластырылған «Мен ШТФ студентімін» атты қабырға газетінің байқауы ұйымдастырылды. Шара бірінші және екінші курс топтарының қабырға газеттері ілінген фойеде өтті. Қазылар алқасы алдымен жұмыстардың дизайнына баға берді, содан кейін газет бетіндегі фотоколлаждардың, белгілер мен суреттердің мәнін түсіндірген топтардың өкілдерін тыңдады
2016 жылдың 1 ақпан күні қазақ тілі мен әдебиеті кафедрасының апталығы аясында «Мәңгілік ел - ел ертеңі» атты студенттердің ғылыми-практикалық конференциясы өтті. Конференцияға 2-3 курс студенттері қатысып, баяндама жасады. Конференция жеңімпаздары болып 2 курс студенті Алиақпарова Алмагүл «Мәңгілік ел ұлттық идеясы» баяндамасымен І орынды, 2 курс студенті Серигхан Айман «Мәңгілік елдің- мәңгілік тілі» баяндамасымен ІІ орынды, 3 курс студенті Ғалымжанова Алина «Мәңгілік ел-ұлт мұраты» баяндамасымен ІІІ орынды иеленді. Оқытушылар мен студенттер атынан құттықтаймыз
2016 жылғы 1 ақпанда Қостанай мемлекеттік педагогикалық институтында институт оқытушыларына сыбайлас жемқорлықтың алдын алу жөнінде дәріс оқылды. Кездесуге Мемлекеттік қызмет істері министрлігі департаментінің қызметкерлері шақырылды. Кездесу барысында Мемлекеттік қызмет істері министрлігі департаментінің қызметі жайлы ақпарат беріліп, ұжым 2015-2025 жылдарға арналған сыбайлас жемқорлыққа қарсы стратегиясының негізгі бағыттарымен танысты.
1 ақпан күні Дене шынықтыру, спорт және туризм факультетінде 3 курс студенттері арасында «Қазақстан жолы арманға Ұлт жоспары» атты мақаланы талқылау туралы сұхбат өткізді. Сұхбатты деканатпен бірге «Туризм» мамандығының 3-ші курс студенті Батургужин Амир дайындады. Әңгіме өте жылы және сенімді болды. Оқушылар Елбасы және жаңа «Қазақстан мақсаты» қалыптастыру жоспарларына белсенді мүдделі болды.
Жастар арасында діни экстремизмнің алдын алу мақсатында «Педагогика және психология» мамандығының 1, 3 курс студенттерімен «Марал ишан» мешітінен діни қызметкерлер шақырылып, аталған мәселе жайында іс-шара өткізілді. Дін қызметкерлері студенттерге Ислам негіздері туралы ақпарат беріп, исламда халық арасында жиі қолданылатын ұғымдардың мән-мазмұнын ашып, қарапайым тілмен түсіндірді. Сонымен қатар мұсылманның негізгі діни ұстанымдарын, білуге тиісті діни мәселелері мен оның зайырлы қлғам тіршілігіне, мемлекеттің заңдары мен қоғамда қалыптасқан тәртіптерге қарым-қатынасы, білім алуға, Отанды қорғауға, еңбек етуге, отбасына, қоршаған ортаға және ел аумағындағы халықтың салт-дәстүрлерін, ерекшеліктерін сыйлауға қатысты ақпараттарды баяндап, көзқарастарын айқын түсіндірді.
2016 жылдың 30 қаңтарында ҚМПИ конференц-залында Қостанай облысының прокуратурасы, Қостанай қаласының білім беру бөлімі және облыстық психиатрия ауруханасымен бірлескен «Мектеп психологы жұмысындағы суицидальды мінез-құлық ты алдын алу проблемасы» - атты іс-шарасы өтті. Аталған іс-шарада Қостанай облысы прокурорының бас көмекшісі Каримов Р.А., облыстық психиатрия ауруханасының психологиялық қызмет бөлімінің меңгерушісі Ислямова Г.А.,психология кафедрасының аға оқытушылары Ташетов А.А.,Белого Н.В.баяндамалары тыңдалып,талқыланды.
Жастар арасында діни экстремизмнің алдын алу және конфессияаралық келісімге тәрбиелеу мақсатында 2016 жылғы 27-30 қаңтар айында Қостанай мемлекеттік педагогикалық институтының жатақханасында Марал Ишан атындағы қалалық мешіттің жастармен жұмыс істеу бөлімінің қызметкерлері жатақханада тұратын студенттермен кездесті. Кездесуде исламдағы түрлі ағымдар жайлы ақпарат берілді. Кездесу барысында студенттер дін жайында өздерін қызықтырған сұрақтарын қойып, нақты, жан-жақты жауаптар ала білді.
Жаналықтар