Факультетімізде қазан айының 2 күні 15:00 де ұстаздарға арналған мерекелік концерт өтті. Концерт барысында студенттер мұғалімдерді төл мерекелерімен құттықтап өз өнерлерін көрсетті. Әр курс студенттері ұстазға арналған өлең оқып, ән айтып, би биледі. Студенттердің ұйымдастырған бұл кешіне ұстаздар қауымы ризашылықтарын білдірді.
1 қазанда Ақтөбе қаласынан келген «Аңсар» кеңес беру-оңалту орталығы» ҚБ директоры «Исламдық радикализм – қоғамға төнген қауіп пен тұрақсыздық факторы» тақырыбында дәріс оқыды. А.Сабдин – кәсіби теолог, Стамбул университеті теология факультетінің түлегі, исламтанушы, дәстүрлі емес мұсылмандық ағымдар саласының маманы. Өз дәрісінде ол исламдағы түрлі радикалдық ағымдар туралы әңгімеледі, салафизм белгілері мен басқа да радикалдық сипаттағы бағыттар жайында баяндап, олардың іс-әрекеттерінің деструктивті салдары жайында тыңдармандарды сендіре білді.
2015 жылдың 1 қазанында Қостанай мемлекеттік педагогикалық институтында Мұғалімдер күніне орай мерекелік іс-шара өтті. Институт ректоры, профессор Қ.Баймырзаев ұстаздарды мерекесімен құттықтай отыра, студент жастарды тәрбиелеу мен дамыту жолында қомақты үлес қосып жүрген оқытушыларға Құрмет грамоталарын тапсырды. Іс-шара соңы мерекелік концерт пен студенттердің құттықтауларына ұласты.
2015 жылғы 1 қазанда Қостанай мемлекеттік педагогикалық институтының студенттері Жастар ісі жөніндегі комитеттің бастамасымен Халықаралық қарттар күніне орай Ұлы Отан соғысының ардагері Шайдулла Сағындықұлы Сағындықовтың үйіне барды.
Облыстық «Толстой» атындағы кітапқанада 1 қазан күні «Кітапхана түні» өтті. Бұл іс – шара І.Есенберлиннің 100 ж мерейтойына арналды. Кеш барысында конференция, жазушының еңбектері бойынша акция және айтыс болды. Оған обылысқа танымал жас ақындардың барлығы қатысты.Ақбабақызы бұл айтыста да өзінің мықты екенін дәлелдеп, 1-орынды қанжығалады.Керемет өнер көрсетіп оқу ордасына абырой әперді.
30 қыркүйек күні 2015 жылы ҚМПИ 1-3 курс студенттері Қазақстанда тұратын халықтар мәдениетімен танысу мүмкіндіктеріне ие болды. Олар Қазақстанның халықтары Тілдер күніне арналған институттық «Тіл-достықтың көпірі» деген іс-шарасына белсенді үлес қосты,оны шетел тілдері факультетінің тілдерді дайындау және оқу тәрбие орталығының мұғалімдері С.Қ Абишева, В.Н. Плохотенко және Д.П Ловцова өткізді. Іс-шараның мақсаты қазақ, орыс, неміс, өзбек, корей, харват халқының музыка, поэзия және би арқылы тілдік ықпалдастығын қалыптастыру.
2015 жылдың 30 қыркүйегінде Қостанай мемлекеттік педагогикалық институтында Қазақстан халқының тілдер күні мерекесіне арналған іс-шара өткізілді. Іс-шара эпиграфы – «Тіл – достықтың көпірі». Факультет студенттері Қазақстанда тұрып жатқан халықтардың тілінде би, ән айту және өлең оқу секілді үш номинацияда өнер көрсетті. Іс-шара соңында қатысушыларға Алғыс хаттары тапсырылды.
Ағымдағы жылдың қыркүйек айы бойы ҚМПИ АНТ – «Дінтану орталығы» мүшелері Ғ.И.Шаймерден, К.К.Әбілмәліков, Д.Е.Әбенов Қостанай облысының ауылдық жерлері мен қала мекемелерін аралап, діни экстремизм және терроризмнің алдын алу бойынша дәрістер мен семинар-тренингтер өткізді.
2015 жылдың 29 қыркүйегінде Жаратылыстану-математика факультетінің «Химия» мамандығы 4 курс студенттерінің ұйымдастыруымен «Ұстаздар Күніне» арналған кураторлық сағат өткізілді. Студенттер мерекені ұстаздарға ұмытылмас болатындай белсенді, нұсқалы және қызықты өтізуге барынша тырысты.
Жаналықтар