Бұл күні әзілден өрмек өріліп, қалжыңнан қалта тігілді. Қазан айының 23-ші жұлдызында КВН ойыншылары мен көрермендері күлкі жәрмеңкесінде жүздесті. Командалар өз ойындарын бастағаннан- ақ әрқайсысының өзіндік стилі бар екендігін көрсетті. Ойынның әсерлі болғанын көрермендердің көңіл- күйінен, қол соғуынан байқау қиынға соққан жоқ.
2015 ж. қазанның 23 күні ҚМПИ мәжіліс залында барлық факультеттердегі студенттердің қатысуымен КВН өтті. Осы жылы ШТФ 1 курс студенттерінің «Жас New» атты тобы көзге түсті. Студенттер туған институтының сахнасында өлен айтып, би билеп өнерлерін көрсетті. Филология факультетінің ұлдар камандасынан балдар көлемі бойынша кішкене қашықтықта артта қалумен біздің тоб екінші орынға ие болды. Қыздар, шығармашылық табыстар және жаңа жеңістер тілейміз!
22 қазанда Қостанай қаласының Достық үйінде Қостанай облысы қалалары мен аудандары жоо, колледждерінің ақпараттық-насихаттау топ басшылары мен мүшелерінің облыстық слеті өтті. Қостанай облысы Дін істері жөніндегі басқармасының бастығы Н.К.Нугурбеков АНТ-ның 2014 жылғы жұмыстарының қорытындысын шығару жайлы баяндама оқып, Дінтану орталығы – ҚМПИ АНТ қызметіне ерекше тоқталып өтті. Конфессияаралық келісімді насихаттау және діни экстремизмнің алдын алу бойынша ақпараттық-түсіндіру жұмыстарына қосқан сүбелі үлестері үшін ҚМПИ АНТ мүшелері Д.Әбенов, К.Әбілмәліков және Ғ.Шаймерден Қостанай облысы дін істері жөніндегі басқармасының алғыс хаттары және ақшалай сыйлықтарымен марапатталды.
Ардақты студенттер! Шетел тілдері кафедрасында неміс тілінен «Deutsch mit Vergnuegen» үйірмесі жұмысын бастады және «Шетел тілі: екі шетел тілі» мамандығы бойынша оқитын 2 курс студенттері шақырылады. Үйірме әр сәрсенбі сайын сағат 12.30-дан 13.30-ға дейін жұмыс жасайды. Студенттерге елтану жоспары бойынша оқу ұсынылады.
20 қазанда 2015 жылы ҚМПИ мәжіліс-залында «Серпін-2050» мемлекеттік бағдарламасын 1 курсқа педагогикалық квотабілім беру грантыбойынша түскен студенттерге түсіндіру іс-шарасы өткізілді. Кездесуге облыс Дін істері бойынша департаменті, жастар саясаты мәселесі жөніндегі басқармасының өкілдері мен қалалық мешіттің имамы қатысты.
Көк аспанда қиқулап, үшбұрыш боп сап құрған тырналардың оңтүстікке қарай бет алғаны - біздің жерімізге күздің келгені. Табиғаттың осы бір тамаша құбылысын келер көктемге дейін, тырналардың қиқулап елге оралғанын есте қалдыру үшін, Қостанай мемлекеттік педагогикалық институтында міне, бірнеше жылдан бері «Тырналар» күні мерекесін атап өту әдетке айналған
2015 жылғы 20 қазанда Қостанай мемлекеттік педагогикалық институтының мәжіліс залында Қостанай облысы әкімдігі өкілдерінің ҚМПИ студенттерімен кездесуі өтті. Кездесуге облыстық дін істері жөніндегі департамент, жастар саясаты мәселелері жөніндегі басқарма өкілдері мен қалалық мешіттің Имамы қатысты. Кездесу «Серпін-2050» бағдарламасы жөніндегі мемлекеттік саясаттың басты мақсаты, ҚР жастар саясатын іске асыру бойынша жүргізілген негізгі жұмыстар төңірегінде болды.
Қызылорда қаласында 14-20 қазан аралығында өткен Қазақ хандығының 550 жылдығына және Қазақстан халқы Ассамблениясының 20 жылдығына арналған ұлттық спорт түрлерінен IV Республикалық фестивалінде дене шынықтыру спорт және туризм факультетінің 2-ші курс студенті Асан Айсара қыз қуу ойынынан 1-ші орынды иеленді. Дене шынықтыру факультетінің аға оқытушысы Какашев К.Т. шәкірті Султанова Жанар асық атудан әйелдер арасында 1-ші орынды иеленді.
2015 жылдың 5-19 қазанында Қостанай мемлекеттік педагогикалық институтының тарихи мұражайында бірінші курс студенттері үшін экскурсия өткізілді. Мұражай меңгерушісі Г.А.Карина студенттерді мұражай экспонаттарымен таныстырды, институт дамуының жекелеген кезеңдерін көрсететін материалдар орналастырылған мұражай стендтері мен көрмесіне назарларын аудартып, институт тарихы, профессорлар, ардагерлер, оқытушылар мен студенттердің жетістіктеріне арналған стендтерді көрсетті
Денешынықтыру, спорт және туризм факультетінің оқытушылары өздерінің кәсіби тәжірибелерінің және біліктіліктерінің арқасында Қазақстан құрама командасына мүше болуға лайықтыларды шығаруға күш салады және әртүрлі деңгейдегі жарыстардың төрешілерін дайындайды. Атап айтқанда И.А Шиловтың пауэрлифтингтен әйелдер мен ер адамдар арасындағы Азия чемпионатында спорт төрешісі болғандығы, ал И.П. Сивохиннің ауыр атлетика бойынша Гонконг қаласында өткен Азия Чемпионатында қазылар командасының мүшесі болғандығы ұстаздар еңбегінің жемісі.
Жаналықтар