2014 жылдың 20 қарашасы күні Қазақстан тарихы кафедрасының оқытушысы Елкей Н.Н. 1 курс «Шет тілі: екі шет тілі» мамандығының студенттерін институт мұражайына алып барып, «Өлкетану» сабағы бойынша экскурсия өткізді. Экскурсия барысында өлкеміздің тарихы баяндалып, мұражай қорында сақталған экспонаттар, мұрағат материалдары, фотосуреттер студенттерге көрсетілді. Студенттер естелік фото суретке түсті. Студенттер мұражайдан жақсы әсер алды.
2014 жылдың 20 қарашасында Қазақстан тарихы кафедрасының әдістемелік апталығы барысында 215 аудиторияда қала мектептері мұғалімдері мен оқушыларының қатысуымен «Зерттеу міндеттерін жүзеге асырудың әдістемесі» атты әдістемелік семинар болып өтті. Семинарды Қазақстан тарихы кафедрасының профессоры, т.ғ.д. Аманжол Күзембайұлы ұйымдастырды.
2014 жылдың 20 қарашасы күні тарих және өнер факультетінде 15.00-де «Тарих», «ҚЭН», «Шет тілдері» мамандығының студенттерінің тың игеру жылдарының куәгерлері, қостанайлық ардагерлермен кездесуі болып өтті. Кездесу кешінде сөз алған Лемберд Леонид Федорович, Мейеров Леонид Матвеевич сынды ардагер-тың игерушілер студенттерге тың игеру жылдары тарихынан, сол жылдары кездескен қиындықтары мен жетістіктерін сөз етті. Өкінішке орай, кездесуге облысымзға белгілі ардагер Куприянов Николай Гаврилович келе алмады. Қазіргі таңда тың игеру жылдары еңбек еткен ардагерлер саны азайып кеткені белгілі.
2014 жылдың 18 қарашасы күні институттың акт залында г.ғ.д., ректор Баймырзаев Қ.М. жалпы институттық жиналыс ұйымдастырып, география ғылымының докторы, институт ректоры К.М. Баймырзаев өткізген жалпы институттық жиналысқа факультет студенттері жиналды. Жиналыс ҚР Президенті Н.А. Назарбаевтың Қазақстан халқына «Нұрлы жол» жолдауын талқылауына арналды. Балалар Қостанай қаласының әкімі А.М. Ахметжановтың, тарих ғылымының кандидаты С.В. Самаркинның және жоғары курс студенттерінің баяндамасын ілтипатпен тындады.
18 қарашада география ғылымының докторы, институт ректоры К.М. Баймырзаев өткізген жалпы институттық жиналысқа факультет студенттері жиналды. Жиналыс ҚР Президенті Н.А. Назарбаевтың Қазақстан халқына «Нұрлы жол» жолдауын талқылауына арналды.
17 қараша Халықаралық Ойын күйіне байланысты «БОПӘ» мен «МДОжТ» мамандықтарының студенттері Ы. Алтынсарин атындағы балалар кітапханасында М. Горький атындағы драма театрының актерлерімен өткізілген актерлік шеберлік және сөйлей білу мастер-классына қатысты.
2014 жылы қарашаның 14-ші жұлдызында ф.-м.ғ.к., Демисенов Б.Н. ұйымдастыруымен «Математика» мамандығының 3-4 курс студенттерінің арасында математикалық сайыс өткізілді. Нәтижесінде 4 курс студенттері жеңіске жетті.
2014 жылдың 14 қарашасында «Мектепке дейінгі, бастауыш және арнайы білім беру» кафедрасының «Мектепке дейінгі оқыту мен тәрбиелеу», «Бастауыш оқытудың педагогикасы мен әдістемесі» және «Дефектология» мамандықтары бойынша 1 курс студенттерімен «Қазақстан Республикасының Ұлттық валютасы – ТЕҢГЕ» тақырыбында кафедраның аға оқытушысы, п.ғ. магистрі Кушмурзина Даметкен Хажмухановна тәрбиелік іс шара ұйымдастырып өткізді. Бұл іс-шара Қазақстан Республикасының ұлттық валютасы – «Теңгенің» енгізілу тарихы туралы білімдерін нығайту, түсініктерін кеңейту және елін, жерін, халқын, оның тарихын құрметтеп, сүйіспеншілік таныта білуге, сонымен қатар елдің өткенін, бүгінгісі мен болашағын сыйлай білуге тәрбиелеу мақсатында танымдық әрекетте өтті.
13 қарашада «Фифи» бедвочерлер клубы ҚМПИ ҒЗО ЭБМ/А Ұ Науырзым және РҚҰ ҚБСА тырна Күнін дәстүрлі түрде мерекелеп өтті. Бұл мерекеде жаратылыстану-математика факультетінің «Биология», «География» мамандығының 1-курс студенттері және жоғары курстар да білім алатын клубтың мүшелері белсенді қатысты.
2014 жылдың 13 қараша айында МНМ-нің оқу үрдісін ұйыдастыру барысында әдістемелік көмек көрсету үшін МНМ-іне барды. Кафедраның оқытушылары Шакеева Р.Ж., Уразымбетова Б.Б., Байкенов Е.А., "Биология" мамандығының 4-курс студенті Алина Ақнұр шағын мектептер мәселелері жөнінде Қостанай ауданының Молокановка негізгі мектебіне барып келді.
Жаналықтар