Қостанай облыстық әкімдігінің Қостанай облыстық тарихи-өлкетану музейінде КММ 29 қыркүйек күні Қазақстандағы 1916 жылғы ұлт-азаттық көтерілістің 100 жылдығына орай «Қаһарлы 1916 жыл» атты музей сабағы өтті. Қазақстан тарихы кафедрасының доценті Өтеген Исенов және музей қызметкері Назима Оташева студент жастарға Амангелді Иманов бастаған 1916 жылығы көтеріліске қатысты тарихи құжаттар мен деректерден мәлімет берді. Музей сабағына Қостанай мемлекеттік педагогикалық институтының 1 курс студенттері қатысты.
2016 жылдың 27 қыркүйегінде сағ. 15.00-де ҚМПИ акт залында «ТжӨФ студенттер қатарына қабылдау-2016» мерекелік іс шарасы өткізілді. Екі бөлімнен тұрған іс- шараны жоғарғы курс студенттері ұйымдастырды. Бірінші бөлімде концерттік бағдарлама өткізіліп, бірінші курс студенттері ән айтып, би билеп, өздерінің өнерлерін паш етті. Екінші бөлімде «ФИИ ойындары» атты сайыс ұйымдастырылып, бірінші курс студенттері түрлі сындардан өтті. Бірінші курс студенттері сахнаға абыройымен шығып, сый ретінде өздерінің «Студенттік билеттеріне» ие болды.
27 қыркүйек 2016 жылы «Құқық және экономика негіздері» мамандығының студенттері «Брейн ринг» интеллектуалдық ойынға қатысты. Аталған іс-шарада жоғары оқу орындары (ЧелМУ, ҚӘТУ, ҚМПИ) студенттері және М.Горький ат. гимназия оқушылары қатысты. Іс-шараның ұйымдастырушылары болып Қазақстан Республикасының мемлекеттік қызмет істері жөніндегі Министрлігінің Департаменті және балалар мен жастар ұйымдарының Ассоциациясы болып шықты
Қазақстан этникалық топтарының тілдерін дамытуы Қазақстан халқының Ассамблеясы қызметінің бір бағыты
2016 жылдың 22 қыркүйегінде Қазақстан халықтарының тілдері күні аясында қосымша білім беру факультеті Тарих және өнер факультетінің «Тарих», «Құқық және экономика негіздері» мамандықтарының 1-3 курс студенттерімен «Қазақстан этникалық топтарының тілдерін дамытуы Қазақстан халқының Ассамблеясы қызметінің бір бағыты» тақырыбына кездесу ұйымдастырды. Кездесу барысында қосымша білім беру факультетінің деканы Самаркин Сергей Владимирович институттың тарихы және этносаралық қатынас мәдениетін қалыптастырудың бүгінгі жұмысы жайлы ҚМПИ мұражайында экскурсия өткізді.
2016 жылдың 21 қыркүйегі күні Қостанай облыстық Л.Толстой атындағы әмбебап ғылыми кітапханасында «Ғалымдар шақырады» клубының ұйымдастыруымен Торғай даласында болған 1916 жылғы Ұлт-азаттық көтерілістің 100 жылдығына байланысты тағылымды жиын болды
2016 жылдың 7 қыркүйегінде № 3 жатақханада тарих және өнер факультеті студенттерінің факультет деканымен кездесуі өтті. Кездесуге декан орынбасары Нүрпеисова Э.Т. және топ кураторлары Антаев Ж.Т., Елкей Н.Н., Есмагамбетова Ш.К., Сапиев А.С., Жусупова Д.Ж. қатысты. Кездесу барысында студенттерге Жатақханада тұру Ережелері- құқықтары мен міндеттері түсіндірілді. Кездесу аяқталған соң декан және топ кураторлары 2 қабатқа көтеріліп, студенттердің жататын және ас әзірлейтін бөлмелерінің жағдайларын қарап шықты.
2016 жылдың 1 қыркүйегінде А-205 аудиторияда Тарих және өнер факультетінің деканаты және профессор-оқытушылар құрамы 1 курс студенттерімен дәстүрлі жиналысын өткізді. Жиналыс барысында студенттер алдында факультет деканы т.ғ.к., доцент Балғабаева Г.З. және кафедра меңгерушілері т.ғ.к. Наурызбаева Э.К., т.ғ.к. Ярочкина Е.В., п.ғ.к. Сапиева М.С. сөз сөйледі, ал декан орынбасары тарих магистры Нурпеисова Э.Т. студенттерді қабылдау туралы бұйрықпен таныстырып шықты. Жиналыс соңында топ кураторлары тағайындалып, олар топпен жұмыс жасау мақсатымен аудиторияларға жиналды.
2016 жылдың 27 сәуір күні тарих және өнер факультетінде тарихшы және ғалым Ғалихан Жантөриннің туғанына 100 жыл толуына арналған студенттік ғылыми-практикалық конференциясы өткен болатын. Конференцияның толық мәжілісінде ғалымның бауыры Еленов Стахан, балалары Алия Ғалиханқызы, Марат Ғалиханұлы және немерелері, тарихшы-ғалымдар Аманжол Күзембайұлы, И.К.Терновой және студенттер қатынасты.
Қостанай мемлекеттік педагогикалық институтының тарих және өнер факультетінің әлем тарихы және қоғамдық пәндер апталығы аясында 22.04.2016 ж. сағат 10:30. 210-дәрісханада әлем тарихы және қоғамдық пәндер кафедрасының аға оқытушысы, саясаттану магистрі Төлеу Паниязұлының ұйымдастыруымен өткен «Дін және жастар» тақырыбында дөңгелек үстелге «Математика-11», «Қазақ тілі және әдебиеті-12» топ студенттері қатысып ашық әңгіме өткізді. Іс-шараға арнайы шақырылған облыстық дарынды балаларға арналған мектеп-интернатының тарих пәнінің мұғалімі Тұралинова Роза ханым қатысып өз ойын ортаға салды.
