2019 жылдың 28 ақпанында жаратылыстану-математика факультетінде Жастар жылы аясында ҚМПУ-дың 80-жылдығына арналған «Біз – Ұлы Дала балалары» атты интеллектуалды ойыны өткізілді. Ойын факультет кафедраларындағы студенттер арасында Қостанай облысы және ҚМПУ тарихы туралы білімдерін арттыру мақсатында жүргізілді. Ойын барысыныда келесі сұрақтар қарастырылды: Қостанай облысы тарихы, қызықты оқиғалар, танымал тұлғалар мен дәстүрлер, Қостанай облысының географиясы, Ө. Сұлтанғазин атындағы ҚМПУ және жаратылыстану-математика факультетінің қалыптасу, даму тарихы.
2019 жылдың 28 ақпанында филология факультеті қазақ тілі мен әдебиеті қафедрасының ұйымдастыруымен «Сапалы білім бізден - таңдау сізден» атты ашық есік күні өткізілді. Ашық есік күнін кафедра оқытушылары Д.А.Алиева, Г.А. Сейсембай және ІІІ курс студенттері өткізді. «Сапалы білім бізден – таңдау сізден» тақырыбындағы ашық есік күніне мектеп түлектерімен бірге гуманитарлық колледждің бітіруші студенттері қатысқан іс- шарада «қазақ тілі мен әдебиеті» және «қазақ тілінде оқытпайтын мектептердегі қазақ тілі мен әдебиеті» мамандықтарын толық таныстырып, жалпы мамандық туралы мәліметтерден хабардар етті.
Жаратылыстану кафедрасының оқытушысы Шыңғыс Айдарғазыұлы Тауакеловтың «Химия курсының оқу материалын оқушылардың жас ерекшеліктеріне сәйкес сыныптан сыныпқа күрделендіру әдістемесін құру» тақырыбына жүргізген ашық сабағы қатысушылар тарапынан қызу талқылауға түсті. Семинар сабағы мектептің химия курсында бейорганикалық қышқылдарды оқыту мысалында спиральділік принципін көрсететін әдістеме құрастыруға арналды. Сабақтың техникалық жақсы жабдықталуы (презентация, бейнефрагменттер) жүргізілген демонстрациялық экспериментпен бірге қатысушыларда оның өткізілу сапасы туралы оң пікір қалдырды.
28.02.2019 жылы "Рухани жаңғыру" бағдарламасын және Мемлекет басшысының "Ұлы даланың жеті қыры" мақаласын жүзеге асыру мақсатында Ө. Сұлтанғазин атындағы Қостанай мемлекеттік педагогикалық университетінің жобалау кеңсесінде тарихи кино кеші өтті. Қазақстан тарихы кафедрасының тарихшылар мен профессор – оқытушылар құрамы Жанболат Мамайдың "Зұлмат"деректі тарихи фильмін қарап, талқылады. Көрсетілім алдында ҚМПУ жобалау кеңсесінің жетекшісі, Қазақстан тарихы кафедрасының профессоры, тарих ғылымдарының кандидаты Балғабаева Г.З фильмнің авторы Жанболат Мамайдың шығармашылығымен таныстырды.
2019 жылы 27 ақпанда Қазақстан тарихы кафедрасы апталығы аясында Жастар жылына арналған "Тарихты таныту" атты зияткерлік ойын өтті. Ойынға қала және облыс оқушылары қатысты: Горький атындағы гимназия, №1 мектеп-лицей, "Білім-инновация" лицейі, Мичурин орта мектебі. Ойын үш кезеңнен тұрды, онда қатысушылар әр түрлі кезеңдердің отандық тарихы бойынша білімдерін көрсетті. Тапсырмаларды "Тарих" мамандығының 3 курс студенттері заманауи сандық технологияларды қолдана отырып дайындады.
27.02.19 ж Облыстық телерадио корпорациясы «Ақ орамал» бағдаламасының «Амал немесе көрісу мейрамы қалай тойланады?» тақырыбында өткізілген кезекті көрсетіліміне филология факультетінің қазақ тілі мен әдебиеті кафедрасының аға оқытушысы, педагогика ғылымдарының магистрі Д.А. Алиева және қазақ тілі мен әдебиеті мамандығының ІІІ курс студенттері сонымен қатар бұл дәстүрден хабардар аға- апаларымыз сондай-ақ осы мейрам толығымен сақталған Батыс өңірінің тумаларының қатысумен өтті. Бағдарламада тақырыпқа байланысты көптеген мәліметтер ортаға салынып, көрісу, амал дәстүрі туралы қажетті ойларымен бөлісті.
Студенттер жатақханада қалай өмір сүретіні туралы түрлі әңгімелер айтылады. Әрине, әр адамның ойында осы сөз есіне түскен кезде өмірінің ең есте қаларлық шағы болып саналатын студенттік кезеңмен сан алуан – қуанышпен, қимас достық, сауық-сайран, тәуелсіз өмірге басқан алғашқы қадаммен байланысты ассоциациялар пайда болады. 2019 жылы 27 ақпанда ҚМПУ жатақханасында психология-педагогикалық факультетінің тәрбие жұмысы жөніндегі декан орынбасары Г. А. Алипбаева және психология және дефектология кафедрасының аға оқытушысы Б. К. Каированың ұйымдастыруымен студенттердің өзін-өзі тану және өзін-өзі дамыту қажеттілігін, әлеуметтік маңызды қасиеттерді және тұлғаның коммуникативтік мәдениетін қалыптастыру аясында «Студенттер үйі - өз үйім» атты іс-шара өткізілді.
Үстіміздегі жылы 27 ақпанда әлеуметтік-гуманитарлық факультетінде Қазақстан тарихы кафедрасының оқу-әдістемелік апталығының аясында «Тоталитаризм кезеңіндегі тарихи оқиғалар» тақырыбында іс-шара болып өтті. Дөңгелек үстелдің мақсаты - болашақ тарихшыларға тоталитаризм ұғымын түсіндіру мен 1920-1930 жылдардағы тарихи оқиғаларға баға беру. Профессор Аманжол Күзембайұлының модераторлығымен өткен дөңгелек үстелге кафедра оқытушылары мен факультетіміздің бірінші, екінші және үшінші курс студенттері қатысты.
Осындай ұранмен 2019 жылғы 27 ақпанда Лисаков қаласында Қостанай облысының жоғары оқу орындары мен колледждері өкілдерінің мектеп түлектерімен жыл сайынғы кездесуі өткізілді. Бұл тақырып кездейсоқ таңдалмаған: бүгінгі күні Лисаков қаласының балабақшалары мен мектептерінде тәрбиешілер, орыс және ағылшын тілдерінің мұғалімдері, музыканттар мен басқа да мамандар жетіспейді. Лисаков қаласының №3 орта мектебінің акт залында қала мектептерінің 9-11 сыныптарының 100-ден астам оқушысы, педагогикалық кадрларды даярлауды жүзеге асыратын облыстың оқу орындарының өкілдері жиналды.
Психология және дефектология кафедрасының аға оқытушысы Каирова Б.К., оқытушы, педагогика ғылымдарының магистрі Сатыбалдина Р.А. 26 ақпан 2019 жылы профориентациялық іс-шараларымен, яғни Қостанай педагогикалық колледжде «Мектепке дейінгі тәрбие» мамандығында оқитын студенттерді жоғарғы білім алуға шақыру мақсатында кездесу өткізді. Кездесу кезінде Ө.Сұлтангазин атындағы Қостанай мемлекеттік педагогикалық университетіндегі мамандықтар бойынша: «Психология»; «Педагогика және психология»; «Дефектология»; «Бастауыш оқыту әдістемесі»; «Мектепке дейінгі оқыту және тәрбиелеу» жоғарғы білім алуға шақырылды.
Жаналықтар