22 ақпан күні облыстық Достық үйінде "Ұлы даланың жеті қыры" атты дөңгелек үстел өтті. Отырыста Қостанай жоғары оқу орындарының студенттері мен оқытушылары ҚР Президентінің мақаласына тағы бір рет тоқталып, ұлттық тарихты сақтау және заманауи ғылым тұрғысынан тарихи сананы жаңғырту мәселелерін қарастырды. Дөңгелек үстелге ҚМПУ ҚХА кафедрасының профессоры, т.ғ.к. В. Г. Вишниченко қатысып, «Тарихи сананы жаңғырту: архивтер мен іздеу-зерттеу жұмыстарының тәжірибелік іске асырудағы рөлі» атты баяндама жасады.
Филология факультетінің шетел тілдер кафедрасының оқу-әдістемелік апталығы аясында «Шетел тілі: екі шетел тілі» мамандығының студенттері Қостанай және Астана қалаларында «Edukey» білім беру орталықтары желісінің құрылтайшысы Төлеш Мағзуммен кездесті. Студенттер Қостанай және Астана қаласындағы «Edukey» білім беру орталығында білім беру болашағы мен бос жұмыс орындары туралы білді. Филология факультеті шетел тілдері кафедрасының студенттері үшін жаңа бағыттар бойынша білім алуға арнайы жағдай жасалған.
2018 жылдың 16 қарашасында Үкімет Қаулысымен Қостанай мемлекеттік педагогикалық университетіне Өмірзақ Сұлтанғазиннің есімі берілді. Осыған орай 2019 жылдың 20 ақпанында кафедраның оқу-әдістемелік апталығы аясында "Шетел тілі: екі шетел тілі", "Қазақ тілі және әдебиеті", "Тарих" мамандықтарының 1-3 курс студенттері "Өмірзақ Сұлтанғазиннің тағдыр жолы" атты фильмін тамашалады. Өмірзақ Махмұтұлы математик, ҚазКСР Ғылым Академиясының академигі, физика-математика ғылымдарының докторы, профессор, ҚР Білім және ғылым министрлігі Ғарыштық зерттеулер институтының директоры болды.
2019 жылдың 15-17 ақпан күндері Ахмет Байтұрсынов атындағы Қостанай мемлекеттік университетінде "KGU CUP XIII"атты дәстүрлі халықаралық турнир өтті. Турнирді Ахмет Байтұрсынов атындағы Қостанай мемлекеттік университеті мен "Ахмет Ұрпақтары"дебат клубы ұйымдастырды. Турнир жартылай финалға, финалға, сондай-ақ, жастардың финалына шығатын 5 іріктеу кезеңінен өтті. Турнирге барлығы 48 команда қатысты. Ағылшын тіліндегі пікірталасқа У. Сұлтанғазин атындағы Қостанай мемлекеттік педагогикалық университетінің филология факультеті шетел тілдері кафедрасының студенттері: Темірханова Диана (2 курс), Темірбекова Аружан (1 курс) және Уткельбаев Жәнібек (4 курс) қатысты.
2019 жылдың 1-19 ақпан аралығында жаратылыстану-математика факультетінің жаратылыстану кафедрасы оқытушылары, атап айтсақ, б.ғ.д., профессор Т:М. Брагина, магистр, ғылыми және халықаралық қатынастар басқармасының ҒЗО басшысы М.А. Бобренко және биология магистрі, аға оқытушы М.М. Рулева халықаралық ғылыми тағылымдамадан өтті. Тағылымдама халықаралық жоба қатысушысы профессор Т.М. Брагинаның жәндіктерді зерттеуде инновациялық молекулярлық-генетикалық әдістері грантының меңгерілуі бойынша жүзеге асырылды.
Шетел тілдері кафедрасында 18 ақпан күні кафедраның әдістемелік апталығы аясында "ағылшын тілінде ЕНН циклінің пәндерін оқытуда сын тұрғысынан ойлауды дамыту" атты мастер-класс өтті. «Ағылшынтілі «белгісіз», оған кезкелген мектеп пәндерін бейімдеуге болады»,-депес ептейді Виктория Данилова Ө. Сұлтанғазинатындагы КМПУ философия докторы (PhD), п.ғ. к., педагогика және психология магистрі, шеттілдер кафедрасының аға оқытушысы Қостанай облысында өтіпжатқан «Үштілділік – болашаққа сенімді қадам» атты онкүндікте Виктория Данилова физика, химия, биология және информатика пәні мұғалімдеріне арналған «Ағылшынтілінде ЖҒБ циклінің пәндерін оқытуда сынитұрғыдан ойлауды дамыту» атты мастер-класс өткізді.
15.02.2019 жылы «Рухани жаңғыру» бағдарламасын жүзеге асыру мақсатында Ө.Сұлтанғазин атындағы Қостанай мемлекеттік педагогикалық университеті филология факультетінде «Латыннегізді қазақ әліпбиі» оқу-әдістемелік кабинеті ашылды. Кабинет жаңа қазақ әліпбиін көпшілікке үйретуде, қазақ тілінің жаңа емле ережелерін түсіндіруде әдістемелік көмек көрсетеді, тілдерді дамыту мен қолданудың мемлекеттік бағдарламаларын жүзеге асыруға атсалысады. Ғылыми-практикалық конференциялар, семинарлар, дөңгелек үстелдер ұйымдастырады.
2019 жылдың 15 ақпанында қызмет көрсету колледжінде медиация мәселелері бойынша халықты ақпараттандыру мақсатында «Медиация – дауларды баламалы реттеу» атты дөңгелек үстел өтті. Кездесуде колледж студенттері баяндама жасады. Кашкарова Александра медиация институтының даму тарихына тоқталса, Дей Артур Қазақстан Республикасындағы медиацияның қалыптасуы мен болашағы туралы әңгімеледі. Қостанай облысы ҚХА-ның медиация Кеңесінің мүшесі, Қостанай облыстық сотының отставкадағы соты Л. Г. Прохорова медиацияның қағидалары мен артықшылығы туралы әңгімелей отырып, медиативті процестерді ойдағыдай өткізу тәжірибесімен бөлісті.
Жаратылыстану ғылымдары кафедрасының әдістемелік апталығында "Қазақ тіліндегі 100 жаңа оқулық" жобасын жүзеге асыру аясында 2019 жылы 15 ақпан күні аға оқытушы Ж. Т. Суюндикованың ұйымдастыруымен жаратылыстану-математика факультетінің "Биология" мамандығының 2 курс студенттерінің қатысуымен "Антропология тарихы мен теориясы" атты Алан Барнардтың кітабының тұсаукесері өтті. Тұсаукесерді өткізуінің мақсаты: студенттерді оқулықпен таныстыру, жас ұрпақты жалпы әлемдік зияткерлік құндылықтарға баулу және өскелең ұрпақтың білім деңгейін арттыруға ықпал ету.
Психология және дефектология кафедрасының аға оқытушылары О.В.Калиниченко, З.Д.Ахметбекова 2019 ж. 15 ақпанында орыс бөлімінің «Психология» мамандығының 1 курс студенттерімен және қазақ бөлімінің «Педагогика және психология» мамандығының 3 курс студенттерімен Ө.Сұлтанғазин атындағы ҚМПУ Студенттер үйінде сенімді мінез-құлық бойынша тренинг өткізді. Қарым-қатынас дағдыларын және сенімді мінез-құлықты қалыптастыру мәселесі қазіргі кезде халықтың көпшілігі үшін, әсіресе студенттер үшін өзекті болып отыр.
