2016 жылғы 23 қазанда мектепке дейінгі оқыту және тәрбиелеу мамандығының 1 курс студенттері куратор Т.В.Богдановамен бірге облыстық орыс драма театрына барып, Ресей режиссері Яков Рубиннің қойылымымен У.Шекспирдің көңілді комедияларының бірі «Двенадцатая ночь, или что угодно» атты премьерасын тамашалады. Спектакльден соң, студенттер қойылымнан алған әсерлері жайлы бөлісіп, талқылау өткізді. Олар тәрбиелік мәні зор қойылымның, сондай-ақ актерлердің ойыны ұнағандығы туралы әңгімеледі.
2016 жылғы 25 қазан айында Қазақстан Республикасының Тәуелсіздігінің 25-жылдығына арналған Білім беру және ғылым қызметкерлерінің Қазақстан салалық кәсіподағының Қостанай облыстық ұйымының ұйымдастыруымен облыстық Спартакиада өтті. Бұл жарыс Затобол кентінің орталық стадионында өтті. Жарысқа қатысқандар: Қостанай облысы әкімдігінің білім басқармасы, облыс колледждердің , ЖОО-ның және жалпы орта білім беретін мектептердің қызметкерлері. Салтанатты ашылудан кейін келесі түрлерден жарыстар басталды: әйелдер арасында 500 метрге жүгіру, ерлер арасында 1000 метрге жүгіру, дойбы, шахмат, тоғызқұмалақ.
2016 жылдың 21 қазан күні тарих және өнер факультетінің 1 және 4 курс студенттері Е. Өмірзақов ат. Қостанай облыстық филармониясына барды. Көпшілік алдына «Ғасырлар пернесі» атты қазақ ұлттық аспап ансамбльдерінің облыстық байқауы өтті. Байқау қонағы РФ еңбегі сіңген әртісі Гайзуллин Рамиль Мавлитович көрермендерді башқұрт халқының мақтанышымен, ұлттық үрмелі аспабы - Қураймен таныстырды.Студенттер концерттен үлкен эстетикалық әсер алды.
21 қазанда Қостанай мемлекеттік педагогикалық институтында Қазақстан Республикасы Тәуелсіздігінің 25-жылдығына арналған Қазақстан халқы Ассамблеясы кафедрасының салтанатты ашылу рәсімі мен презентациясы өтті. Презентация аясында кафедраның ашылу рәсімі және «Елдің қоғамдық-саясаттық процесстеріндегі Қазақстан халқы Ассамблеясы қафедрасының ғылыми-білім және тәрбиелік рөлі» дөңгелек үстелі өтті, модераторы болып қосымша білім беру факультетінің деканы, тарих ғылымдарының кандидаты Самаркин Сергей Владимирович сөз сөйледі.
2016 жылдың 20 қазаны күні Ұлт ұстазы Ы.Алтынсариннің туғанына 175 жыл толуына орай тарих және өнер факультетінде Қазақстан тарихы кафедрасының доценті, т.ғ.к. Ө.И. Исенов және аға оқытушы Н.Н. Елкейдің ұйымдастыруымен «Ұлт ұстазы» тақырыбында тағылымды тарихи-кездесу сабағы өтті. Кездесу сабағына Ыбырай бабамыздың атындағы мектеп-интернатының түлегі, т.ғ.д., профессор Аманжол Күзембайұлы қонақ ретінде шақырылып, педагогтің өмірі мен ғылыми мұрасы, қызметі жөнінде студенттерге баяндап берді.
2016 жылдың 18 қазан күні кафедра оқытушылары Н.Елкей, Г.Тастекованың жетекшілігімен «Тарих», «ҚЭН» мамандығының 1 курс студенттері Қостанай облыстық орыс драма театрына барды. Театр ұжымы келген көпшілікке «Беда от нежного сердца» тақырыбындағы комедиялық спектакльді тарту етті. Барлық студенттер қойылымнан үлкен әсер алып, естелік фото-суретке түсті.
2016 жылғы 12 қазан күні «Ашық есік күні-2016» акциясы аясында Л.Н.Толстой атындағы Қостанай облыстық әмбебап ғылыми кітапханасында ұйымдастырған шаралардың легі студенттер айтысымен тәмамдалды. Айтыс Қазақстан Республикасы тәуелсіздігінің 25 жылдығы мен Қостанай облысының 80 жылдығына арналып өткізілді. Айтысты психология-педагогика факультетінің 1 курс студенттері ерекше ықыласпен тамашалаған болатын. Ақындардың екпінін бағамдап, өнерін бағалаушы қазылар қатарында ақын, журналист, сықақшы, Қазақстан Жазушылар одағының мүшесі, Қазақстан Жазушылар одағының Қостанай облыстық филиалының директоры Ахметчин Ғұмар Ғарифоллаұлы, ақын, журналист, Ыбырайтанушы, Қазақстан және Әлем халықтары Жазушылар одағының мүшесі Серікбай Оспанұлы, З.Алдамжар атындағы ҚӘТУ құрметті профессоры, э.ғ.к., «Естаев» ШҚ басшысы Естаев Ибраш Естайұлы, ақын, журналист, «Қазақ радиосының» Қостанай облысындағы меншікті тілшісі Құлабаев Нұрқанат Жүнісұлы болды.
2016 жылдың 12 қазан айында Педагогика және психология факультетінің декан орынбасыры Алипбаева Г.А. жетекшілігімен 1-3 курс студентерін Л.Н.Толстой атындағы кітапханаға бардық. Қазақстан Жазушылар одағының Қостанай облыстық филиалының директоры Ахметчин Ғұмар Ғарифоллаұлы мен танысу кеші өтті. Бұл кештің ең маңызды жаңалығы Ғұмар Гарифоллаұлының «Күндіз жұлдыз көрінсе» атты кітабының тұсау кесері болды. Ақын сұхбат барысында өмірі жайлы қысқаша баяндады және кітабының мазмұны жайлы тілге тиек етті.
2016 жылғы 10 қазанда "Челябі мемлекеттік университеті" жоғарғы кәсіби білім беретін федералдық мемлекеттік бюджеттік білім беру мекемесінің Қостанай филиалының мәжіліс залында ұлы ағартушы, педагог, жазушы, этнограф Ыбырай Алтынсариннің 175 жылдық мерейтойына арналған ғылыми семинар өтті. Конференцияға бірнеше оқу орындарының ұстаздары мен студенттері қатысты. Сондай-ақ, А.Байтұрсынов атындағы Қостанай мемлекеттік университетінің профессоры, Қазақстан Халқы Облыстық Ассамблеясының ғылыми-сарапшылық тобының мүшесі, философия ғылымдарының кандидаты Жақып Қалқаман Хасенұлы, Қостанай әлеуметтік білім колледжінің директоры, Қазақстан Халқы Облыстық Ассамблеясының ғылыми-сарапшылық тобының мүшесі, филология ғылымдарының докторы, профессор Кадралинова Марияш Тлеугабыловна және т.б. қатысты.
2016 жылдың қазан айының 6 жұлдызында жыл сайынғы дәстүр бойынша Қостанай мемлекеттік педагогикалық институтының 1 курс студенттерімен "ҚМПИ студенттерінің ұғындыру салтанаты" өткізілді. Бұл мерекелік іс-шараға қатысқан жаратылыстану-математика факультетінің 1 курс студенттері өздерінің нағыз студент атануға лайықты екенін қабілеттіліктерін көрсету арқылы дәлелдей білді.
