6 қараша 2018 жылы Балғабай Гаухар Закарянованың жетекшілігімен «Дене шынықтыру және спорт» мамандығының 1 курс студенттерімен «Рухани Жанғыру» бағдарламасының аясында кездесу өтті. Кездесу барысында Гаухар Закарьяновна осы бағдарламалардың негізгі бағыттары:бәсекелестікке қабілеттілігі, прагматизм, ұлттық идентификацияны сақтау, мәдени ұғым, эволюциялық даму және ой-көкіретің кенейуі туралы ақпараттармен бөлісті. Соңымен қоса біздің университет қабырғасында жүзеге асырылатын жобалар оқылды.
6 қарашада Дене шынықтыру, спорт және туризм факультетінде факультет түлегі А.В. Қаратаевпен кездесу өтті. Кездесуге «Дене шынықтыру және спорт» мамандығының 3 курс студенттері және «Туризм» мамандығының 1 курс студенттері, ДШСжТ факультетінің деканы Кифик Н. Ю п.ғ.к., доцент Огиегко Н.А., ДШСжТ кафедрасының оқытушысы И.Гурская келді. Студенттер өздерінің жолдасы, Ұлттық қауіпсіздік комитетінің зейнеткер полковнигі, ғалым, жергілікті тарихшы, жазушы, ақынның қызықты өмірі мен қызметімен танысуға мүмкіндік алды.
2018 жылғы 5 қарашада «Цифрлы Қазақстан» бағдарламасын жүзеге асыру аясында «Edukey» білім беру орталығының қолдауымен, «NEWdem студенттердің әлеуметтік белсенділігін арттыру» студенттік startup жобасының жетекшісі, педагогика кафедрасының оқытушысы, гуманитарлық ғылымдар магистрі Ермаганбетова Акбота Жаналыковнаның ұйымдастырумен «Ақпараттық компьютерлік технология – табысты мұғалім мектебі» тақырыбында мастер-класс өткізілді.
2 қараша 2018 ж. Қостанай мемлекеттік педагогикалық университетінде «Жылы жүрек» атты cinema project өткізілді. Бұл іс - шараны педагогика кафедрасының оқытушысы, гуманитарлық ғылымдар магистрі Ермаганбетова Акбота Жаналыковна «“NEWdem” студенттердің әлеуметтік белсенділіктерін қалыптастыру» startup жобасы аясында ұйымдастырды. Іс-шараның мақсаты – студент жастарды қайырымдылыққа, мейірімділікке тәрбиелей отырып, қоғамдық белсенділіктерін арттыру. Cinema project - ке барлығы 8 жоба ұсынылды.
Жаратылыстану ғылымдары кафедрасының оқытушылары Белан О. Р. және Кубеев М. С., сондай-ақ жаратылыстану - математика факультетінің биология және география мамандығының 4 курс студенттері Атрощенко О. және Коляда Я. 30.10-2.11.2018 уақыт аралығында филология және психология-педагогика факультеттерінің бірінші курс студенттері арасында "Таза қала" атты тренингін өткізілді. Осы іс - шараның мақсаты - табиғатқа деген жауапкершілікпен қарауды қалыптастыру; қоршаған ортада болып жатқан барлық жағдайларға ортақтастық және қамқорлық сезімдерін дамыту.
2018 жылғы 2 қарашада Қостанай мемлекеттік педагогикалық университетінде психология-педагогика факультеті ұжымының ұйымдастырылуымен «Рухани жаңғыру» бағдарламасы аясында қазақ жазушысы, қоғам қайраткері, аудармашы, педагог Спандияр Көбеевтің туғанына 140 жыл толуына орай атаулы аудитория ашылды. Ыбырай Алтынсарин ашқан қазақ-орыс мектебінде сауат ашып, ұлт ұстазының ізін қуып, жолын жалғастырған Спандияр Көбеевтің бастауыш сынып балаларына арналған «Үлгілі тәржіма», «Үлгілі бала» оқулықтары мен қазақ даласындағы алғашқы романдардың бірі «Қалың мал», одан кейінгі «Орындалған арман» ғұмырнамалық еңбегін білмейтін жан кемде-кем.
2018 жылдың 2 қарашасында Қазақстан Республикасы Ұлттық Ұланы “Орталық” өңірлік қолбасшылығының 6697 әскери бөлімінің қызметкерлері филология факультетінің оқытушылары және студенттерімен бірлесіп «Студенттердің адамгершілік құндылықтарын жаңғырту» атты дөңгелек үстел өткізді. Кездесуде Мемлекет басшысы Н.Ә.Назарбаевтың Қазақстан халқына жолдауындағы “Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек,”-деген мәселе төңірегінде әңгіме өрбіді.
2018 жылдың 31 қазанында ҚМПУ психология және дефектология кафедрасында "Ересектерге шет тілін оқытудың психологиялық ерекшеліктері" атты халықаралық дөңгелек үстел өтті. Дөңгелек үстел қатысушыларына ППФ деканы Н.А. Айдналиева Қазақстандағы тіл ахуалын дамытудың басымдықтарын белгілей отырып, құттықтау сөз сөйледі. ҚМПУ вице - ректор Ева Сметанованың ұсынған Словакиядағы ересек және жастардың шет тілін үйрену тәжірибесі талқылау үшін қызықты болды.
2018 жылдың 29-31 қазаны аралығында орыс тілі мен әдебиеті кафедрасы мен «Қостанай әкімдігінің физика-математикалық лицейі» ММ-нің ынтымақтастығы аясында ҚМПУ қауымдастырылған профессоры, ф.ғ.к. Т.Р. Пчелкина «Мектептегі ғылыми зерттеулерді ұйымдастыру ерекшеліктері» тақырыбында практикалық семинарын өткізді. Семинар барысында оқушы жобаларының типтік қателіктері, өзекті мәселелерді таңдау, зерттеудің жаңалығын негіздеу, әдістерді таңдау, ғылыми ақпаратты іздеу және өңдеу мәселелері талқыланды.
2018 жылдың 25-27 қазан аралығында Зеренді ауылында (Көкшетау қаласынан 50 шақырым жерде) "Aurora Garden" демалыс орталығы базасында жастармен жұмыс әлеуетін арттыруға бағытталған өңірлік тренингтер өтті. Аталған іс-шаралар Қазақстан Республикасы Білім және ғылым министрлігі Дүниежүзілік Банктің гранттық қолдауымен "Жастар саясатын іске асыру бөлігінде ҚР БҒМ институционалдық дамуын қолдау" (Zhas project) жастар корпусын дамыту жобасының екінші компоненті шеңберінде, әсіресе жастардың әлеуметтік осал топтары арасында қоғамдық пайдалы қызметті оқыту бағдарламасын іске асыру арқылы қоғам өміріне жастардың тартылуын ынталандыру және өмірлік маңызды дағдыларды дамыту мақсатында іске асырылады.
