Қазақстан халқы Ассамблеясы - заңды тұлға құрылмай, Қазақстан Республикасының Президенті құратын, басты міндеті мемлекеттік ұлттық саясатты іске асыру, Қазақстан Республикасындағы қоғамдық-саяси тұрақтылықты қамтамасыз ету, мемлекеттік және азаматтық қоғам институттарының этносаралық қатынастар саласындағы өзара іс-қимылының тиімділігін арттыру болып табылатын мекеме. 2017 жылдың 8 желтоқсан күні Е.Өмірзақов атындағы облыстық филармонияда Қазақстан халқы Ассамблеясының 25-ші сессиясына арналып «Туған жер» атты облыстық фестиваль өтті.
Жоғары білім беру жүйесіндегі студенттер білім беру үрдісінде оқу-педагогикалық тәжірибеден өтеді. Әрине, табысты білім алудың нәтижесінде, соның ішінде мектептегі тәжірибе, студенттерде кәсіби және жалпы құзыреттіліктер жиынтығы қалыптасады. Белгілі бір тәжірибесі жоқ жақсы мұғалім болу мүмкін емес екенін бәрі біледі. Студенттердің таңдаған мамандығы бойынша білім алулары және педагогикалық практика барысында алған тәжірибесі болашаққа бағдарланатын нық қадам болып табылады. Қостанай қаласының мектептерінде тәжірибе 1 семестрде өтті. Негізгі мақсат - студенттер арасында бастапқы педагогикалық дағдыларды қалыптастыру.
2017 жылы 8 желтоқсанда Қазақстан Республикасы ІІМ-нің Ш.Қабылбаев атындағы Қостанай академиясының базасында өткен еліміздің Тәуелсіздік мерекесі мен Қазақстан Республикасы ІІМ-нің 25 жылдығына арналған ғылыми-теориялық конференцияға ҚМПИ-ның әлеуметтік-гуманитарлық факультеті тарих мамандығының студенттері де қатысты. Конференция жұмысы Қазақстан Республикасының мемлекеттік-құқықтық дамуы және жетістігі мен болашағы; мәдени-тарих және әлеуметтік-экономикалық аспектісі бойынша екі бағытта жүргізілді. Онда жоғарыда аталған факультеттің тоғыз студенті баяндама жасады.
Қостанай мемлекеттік педагогикалық институтының филология факультетінде ақын Ғайнижамал Бердалиновамен «Тобылдың ауялы ақыны» атты кездесу кеші өтті. Тағылымды кешкте өңіріміздің рухани ортасында өзіндік орны бар аяулы апамыз жайлы ақын, ф.ғ.к., институт жанындағы Ы.Алтынсарин мұраларын зерттеу орталығының маманы Серікбай Оспанов ағамыздың жақсы естеліктермен бөлісті. Факультет жастары Ғайнижамал апаны үлкен қошеметпен қарсы алып, өлең өлкесіне енді қадам басып жатқан жас ақындарымыз Махаббат Жарбосина, Сұлтан Қарлығаш, Кәмел Айдана, Қызыринов Айдос, Ихсан Данияр өз жырларын мәнерлеп оқып берді.
2017 жылдың 8 желтоқсан күні психология және педагогика факультетінде оқитын «Педагогика және психология» мамандығының 4 курс студенттері топ эдвайзері Каирова Б.К. бірге «Болашаққа бағдар - рухани жаңғыру» бағдарламасы негізінде студент жастардың «Құқықтық мәдениеті» атты тақырыпта ашық тәрбие сағатын өткізді. Ашық тәрбие сағатына Чернявская О.М. қатысты. Бағдарламада студенттердің құқықтық сауаттығын көтеруге арналған викториналар, сұрақ жауаптар, тақырыпқа сәйкес мақал-мәтелдер талданып, жемқорлыққа қарсы мәдениетті көтеру мақсатында көріністер өткізілді.
Аға оқытушы К.Г. Архипованың «Бейнелеу өнері және сызу» мамандығы 2 курс стуенттерімен «Сәндік композиция» («Сәндік-қолданбалы өнер негіздері» пәні) тақырыбында ашық сабағы 2017 жылдың 8 желтоқсанында оқу шеберханасында жүргізілді. Бұл сабақта, Қ. Жұбанов атындағы Ақтөбе Өңірлік Мемлекеттік Университеті лекторы, п.ғ.к., доцент З.У. Имжарованың «Сыни ойлау дағдыларын дамыту әдістері» семинар-тренингі бойынша оқыту көрсеткіштерін ұсынды. Бұл семинар «Менеджмент саласындағы және кадрларды даярлау саласында халықаралық стандарттар негізінде педагогикалық мамандықтар бойынша отандық және шетелдік мамандарды оқыту» бағдарламасы аясында (20 қараша - 24 қараша аралығы, 2017жыл) ҚМПИ базасында өткізілді.
ҚР Президенті Н.Ә.Назарбаевтың «Болашаққа бағдар: Рухани жаңғыру» бағдарламасын жүзеге асыру мақсатында ҚМПИ-нің ұйымдастыруымен аймағымыздың көптеген маңызды тұлғаларымен кездесулер өткізіліп жатыр. 2017 жылдың 8 желтоқсан күні Қостанай мемлекеттік педагогикалық институтында «Егемен Қазақстан» газетінің меншікті тілшісі, «Ұлт жоспары – 100 нақты қадам» номинациясы жеңімпазы Жаримбетова Назира Қыпшақбайқызымен кездесу өтті. Кездесу мақсаты – фото және видео материалдармен жұмыс жасау бойынша мастер-класс өткізу.
2017 жылдың 4 желтоқсанынан 8 желтоқсанына дейін педагогика ғылымдарының кандидаты, психология және дефектология кафедрасының меңгерушісі Л.Н. Лиходедова Рудный индустриалдық институтының оқытушылары мен студенттеріне «Инклюзивті білім беру» тақырыбы бойынша (40 сағат көлемінде) «Педагогикалық мамандықтар бойынша отандық және шетелдік мамандардың менеджмент және кадрларды даярлау саласында үздік білім стандарттары негізінде оқыту» атты республикалық жоба аясында тренинг өткізді, Қазақстан Республикасының Білім және ғылым министрлігінің тапсырысы бойынша, Назарбаев Университетінің Жоғары мектебі білім беру саласындағы бәсекеге қабілетті мамандарды да-ярлау сапасын жоғарылату және педагогикалық мамандықтар бойынша оқытушылар біліктілігін арттыру мақсатында ұйымдастырған.
08.12.2017 жылы шетел тілі мамандығының 13-14-15 АР тобының 15 студенті Қазақстан Республикасының тәуелсіздігінің 26 жылдығына арналған «Рухани жаңғыру – тәуелсіздік тірегі» тақырыбына эссе жазып, Елбасының «Болашаққа бағдар: Қоғамдық сананы жаңғырту» мақаласының жүзеге асырылуына студент-жастардың қосып жаткан үлестері, оны ары қарай жалғастыру туралы ойларын ортаға салды. Ұйымдастырылған сайыстың мақсаты: студенттерді елжандылыққа тәрбиелеу, студенттердің әлеуметтік белсенділігін арттыру.
2017 жылдың 7 желтоқсан күні Қостанай қаласының Елубай Өмірзақов атындағы облыстық филармониясында облыс әкімі Мухамбетов Архимед Бегежанұлының қатысуымен Қостанай облысы Қазақстан халқы Ассамблеясының 25 сессиясы өтті. Сессияның негізі тақырыбы, Елбасы Н.Ә. Назарбаевтың «Рухани жаңғыру. Болашаққа бағдар» бағдарламасын қолдау аясында басталды. Алғашқы сөзді бастаған облыс әкімі Мухамбетов Архимед Бегежанұлы да осы бағдарламаның болашаққа деген жарқын жол екендігін тілге тиек етті. Қостанай облысы әкімдігінің ішкі саясат басқармасы басшысы Шуленов Мәжит Мақсұтұлы биылғы жылды қорытындылай келе, келер жылға қойлыған мақсаттарды да айта кетті.
Жаналықтар