2019 жылы 6 желтоқсанда филология департаменті қазақ тілі мен әдебиеті мұғалімдерін даярлау білім бағдарламасының «Тіл мен әдебиет – рухани мұра» атты әдістемелік апталығының аясында аға оқытушы, гуманитарлық ғылымдар магистрі Сейсембай Талғат Тұрарбекұлы «Латын графикасындағы қазақ тілі емлесін оқыту әдістемесі» пәні бойынша қазақ тілі мен әдебиеті мамандығының 4 курс студенттеріне «Шеттілдік сөздердің орфоэпиясы мен орфографиясы» тақырыбында ашық семинар сабағын өткізді.
2019 жылы 6 желтоқсанда филология департаменті (қазақ тілі мен әдебиеті мұғалімдерін даярлау) білім беру бағдарламасының аға оқытушысы Жұмашев Мұрат Дүйсенұлы мен «Қазақ тілінде оқытпайтын мектептердегі қазақ тілі мен әдебиеті», «Орыс тілі мен әдебиеті» мамандықтарының 4 курс студенттері Д.М. Ихсан мен Д. Соболь Рудный қаласы әкімдігінің «№ 15 орта мектебінде» кәсіби бағдар жұмыстарын жүргізді. Мектептің 11 сынып оқушылары өздерін қызықтырған сұрақтарын қойып, ойларын ортаға салды.
2019 жылы 5 желтоқсанда филология департаменті (қазақ тілі мен әдебиеті мұғалімдерін даярлау) білім беру бағдарламасының аға оқытушылары Шолпанбаева Г.А., мен Байменова Б.Ж. оқу-әдістемелік апталық аясында «Математика», «Мектепке дейінгі оқыту және тәрбиелеу» мамандықтарының 1 курс студентері арасында «Мен – тәуелсіз елдің ұланымын» тақырыбында эссе байқауын өткізді. Эссе байқауының мақсаты: студенттерді тәрбиелеу барысында Отанға деген сүйіспеншілікті арттыру. Студенттер шығармашылық өнерлерін көрсете отырып, берілген тақырыпқа өздерінің қөзқарастарын қазақ тілінде сауатты жеткізді.
2019 жылы 4 желтоқсанда жаратылыстану ғылымдары кафедрасы Өмірзақ Сұлтанғазин атындағы Университеттің ақпараттық кітапхана орталығымен (АКО) бірлесіп, Online режимінде семинар өткізді.Мақсаты –Абайдың идеясының өзектілігін қазіргі заманауи білім жүйесінде талқылау. Семинарда «ФМЛ» ММ директорының орынбасары Б. А. Житчаева өскелең ұрпақты тәрбиелеудегі Абай шығармаларының маңыздылығы туралы баяндама жасады.
Халқымыздың Тәуелсіздікке жету жолында құрбан болған батырларымызды, шешен жырауларымызды, қоғам қайраткерлерін, өз заманының шындығын шынайы суреттеген ақын-жазушыларымыздың мұраларын қастерлеу – біздің перзенттік парызымыз. Солардың бірі қазақ әдебиетінің арғы-бергі тарихындағы ең көрнекті, таңдаулы сөз зергері – Бейімбет Жармағанбетұлы Майлин. 2019 жылдың 4 желтоқсан күні филология департаментінің «Қазақ тілі мен әдебиеті» мамандығының апталығы аясында Бейімбет Майлиннің 125 жылдығына арналған «Бейімбет мұрасы – дәуір шежіресі» атты көркемсөз оқу шеберлерінің байқауы өтті.
2019 жылы 4 желтоқсанда филология департаменті, қазақ тілі мен әдебиеті білім бағдарламасының қауымдастырылған профессоры, ф.ғ.к. Безаубекова Алмагүл Дәненқызы 1 курс студенттерімен қазақ тілі пәнінен «Кәмшат Дөненбаева» тақырыбында ашық сабақ өткізді. Сабақ тақырыбы бойынша смарт мақсат: «Сын есімнің мағыналық түрлері» грамматикалық тақырыпты қайталау, «Кәмшат Дөненбаева» лексикалық тақырыпты мәтін арқылы меңгерту.Студенттер оқылым бойынша мәтінді «Оймоншақ» әдісімен тізбектеп оқып шығып, сөздікпен жұмыс, хронологиялық кестемен жұмыс жасады.
2019 жылы 3 желтоқсанда филология департаменті (қазақ тілі мен әдебиеті мұғалімдерін даярлау) білім беру бағдарламасының апталығы аясында «Жаңартылған білім беру мазмұнына сәйкес қазақ тілі мен әдебиетін оқытудағы өзекті мәселелер» тақырыбында әдістемелік семинар өтті. Мақсаты – 3-4 курс студенттеріне кәсіби тәжірибе алдында бағыт- бағдар беру, мектеп мұғалімдерінің іс-тәжірибесімен бөлісу. Семинарға Қостанай қаласы әкімдігінің білім бөлімінің №8 орта мектебінің қазақ тілі мен әдебиеті пәнінің мұғалімдері Салыкова Асель Дарияновна және Ержанова Махаббат Маратовна, С.Мәуленов атындағы гимназиясының тәлімгері, қазақ тілі мен әдебиеті пәнінің мұғалімі Міркемел Айнұр Мұратқызы, №11 орта мектебінің педагог-эксперті Құрманова Айғаным Мейрамбекқызы қатысты.
2019 жылғы бірінші желтоқсанда «Дела житейские» телевизиялық бағдарламасының («Қазақстан-Қостанай» телерадиокомпаниясы) аясында ҚР Тұңғыш Президенті – Елбасы Н. Ә. Назарбаевтың рөлі мен жеке феномені туралы қызықты диалог өтті. Бағдарламаға В. Г. Вишниченко (ҚМПУ ҚХА кафедрасының профессоры), С. М. Жалыбин (сенаторлар кеңесінің мүшесі, заң ғылымдарының докторы, Облыстың Қоғамдық кеңесінің мүшесі), Р. Г. Нұрмағамбетов (ЧелМУ ҚФ, заң ғылымдарының кандидаты), Д. А. Качеев (А.Байтұрсынов атындағы ҚМУ, философия ғылымдарының кандидаты), Б.Г. Иртаева (Мемлекеттік қызмет ардагері, облыстың іскер әйелдер қауымдастығының мүшесі) мен А. Байтұрсынов атындағы ҚМУ тарих факультетінің студенттері қатысты.
2019 жылдың 1 желтоқсан күні «Музыкалық білім» мамандығының 2 курс студенттері Ақтас Томирис пен Қуанышбекова Балауса, Қостанай қаласының №1Балалар шығармашылығы мектебінде «Ғасырлық өнер мұрасы» атты Қазақстанның үздік өнер қайраткерлеріне арнау шығармашылық жобасы ұйымдастыруымен өткізілген Александр Затаевичтің 150 жылдығына арналған Республикалық музыкалық өнер байқауына қатынасты. Байқауға ұлттық музыкалық аспап номинациясы бойынша қобызшылар ансамблімен «Елік ай» және «Қараторғай» әндерін орындап бақ сынасты.
29 ноября 2019 г. в информационно-библиотечном центре КГПУ имени Умирзака Султангазина состоялся круглый стол «Социальное партнерство как современное направление развития библиотек» для библиотекарей вузов и колледжей области.В современных условиях тема социального партнерства – как одного из направлений деятельности развития библиотек, особенно актуальна. Выстраивание успешных партнерских отношений позволяет библиотекам быть востребованными. Для поиска новых подходов к сотрудничеству, развитию креативного мышления, совершенствованию библиотечного обслуживания было организовано мероприятие.
Жаналықтар