2013 жылдың 12 желтоқсанында «Мектепке дейінгі, бастауыш және арнайы білім беру» кафедрасының «Бастауыш оқытудың педагогикасы мен әдістемесі» мамандығы бойынша 2 курс студенттерімен «Педагогикалық шеберлік» пәнінен кафедраның аға оқытушысы, педагогика ғылымдарының магистрі Кушмурзина Даметкен Хажмухановна «Педагогикалық шеберліктің басты шарты. Педагогикалық эрудиция мен құзіреттілік» тақырыбында дәріс сабағынан ашық сабақ өткізді.
Сірә, бұл күнді әрбір студент, факультет ұжымы тағатсыздана күткен болар?! Себебі, бұл - екі күнге созылған өнерлі дүбірдің нәтижесін, жеңімпаз есімімен құлағдар болатын күн. Бүгін біз сол салтанаттың куәсі болып қайттық. Сахна төріне институт ректоры Баймырзаев Қуат Маратұлы шығысымен-ақ, қатысушы талапкерлеріміз демдерін іштеріне тартып, жеңімпаз топты естігенше асық болды. Қара қылды қақ жарған төрешілеріміздің шешімі бойынша, ең жоғарғы орында дене шынықтыру, спорт және туризм факультеттерінің студенттері тұр. Педагогика және психология тобындағылар өздерінің әуезді әндерімен, ырғақты билерімен қазылардың оң пікіріне ие болып екінші орын иегерлері атанды. Қазақ және орыс филологисы факультетінің студенттері де, өздерінің еңбекқорлығының арқасында үшінші орынға орнықты.
Өнер халық мәдениетінің айнасы іспетті. Ұлттық өнеріміздің ішінде өз бағасын, өз құндылығын жоғалтпай келе жатқан айтыс өнері. Желтоқсан айының 11-ші жұлдызында Қазақстан Республикасының Тәуелсіздігінің 22 жылдығына орай облыстық көлемде «Егемендігім – Елдігім» атты жас ақындар айтысы болып өтті. Айтыс сөз тазалығын, мәнерді, мәнер мен махам үйлесімін, суырып салмалықты талап етеді. «Өнерлі өрге жүзер» дегендей біздің де киелі қара шаңырақ Қостанай мемлекеттік педогогикалық институтында да білімді, талантты, дарынды, өнерлі жастар жетерлік.
2013 жыл желтоқсан айының 11 жұлдызында, 707 аудиторияда «Салауатты өмір салтын құрау» тақырыбында кураторлық сабақ өтті. Іс-шараны өткізген «Биология» мамандығы, орыс бөлімі, 3 курс студенттері. Сабақ барысында келесі сұрақтар қарастырылды: 1. Алкоголь зияны 2. Темекі шегу зияны 3. ЖИТС – адамзат өмірінің қатері Куратор - Орманбекова Д.О.
Желтоқсанның 9-10-ы күндері институт қабырғасында Тәуелсіздіктің 22 жылдығына орай ұйымдастырылған факультет аралық көркем өнерпаздар байқауы болды. Байқауға барлық факультеттің студенттері белсене қатысты. Соның ішінде Қазақ және орыс филологиясы ұжымын ерекше атап өтуге болады. Өнер десе ішкен асын жерге қоятын Қазақ және орыс филологиясы факультетінің студенттері өздерінің өнерлерімен көрермен қауымды таң қалдырып, зор ықыласқа бөленді. Бүгін ғана студент атанып жатқан Бейбітқызы Кәусардың мың бұралған биін тамашалап таңдай қақса, ал қазақтың қара домбырасының құлағында еркін ойнаған студенттерімізге қызыға да, қызғана да қарадық
16-желтоқсан Қазақ халқы үшін ерекше күн. Себебі бұл күн қаншама боздақтарымыздың жанын қиып тәуелсіздік әкелген күні. Қазақстан Республикасының Тәуелсіздігіне 22 жыл толуына орай 9-10 желтоқсан күндері Институтымызда мерекелік іс шара болып өтті. Екі күнге созылған мерекеде барлық студенттеріміз бір кісідей ат салысып, өз өнерлерін ортаға салды. Институт құрамындағы 6 факультет өнердің әр саласынан бақ сынасып, факультет намысын қолдан бермеуге тырысты. Сайыс шарты бойынша қатысушы талапкерлер көркем сөз оқып, қоңыр дауыста ән салып, қазақтың қара домбырасымен күй шертіп, мың бұралған бишілеріміз өнерлерін көрсетуі тиіс болатын. Барлық факультеттер де дайындықтарыны жоғары деңгейде екенін көрсете білді
09.12.13 Қазақстан Республикасы Тәуелсіздігі күнін мерекелеу аясында концерт сайысы өтті, бұл күні үш факультет қатысты, соның бірі біздің шетел тілдері факультеті. Қазақстан туралы, туған өлке туралы жақсы қанатты сөздер айтылды. Жүргізушінің «Қазақстан туралы айтылған әрбір сөз – өз алдына жеке тарих» деген сөзі есте қалды. Халықта «Жақсы ұл – өмірінің мәні, жақсы халық – мағынаға ие» деген сөзі бар. Сахнаға бірінші болып «Менің Қазақстаным», Қазақстан гимнін айтуға хор шықты. Студенттер ғана емес, шетел тілдері және практикалық лингвистика кафедрасы оқытушылары сонымен бірге Франциядан келген Анаис Муреде сахнаға ұлттық би билеп шықты
2013 жылдың қараша-желтоқсан айларында Қостанай облысы мұрағат ісінің 90-жылдық мерейтойына арналған бірқатар іс-шаралар өтті. Аталмыш іс-шараларға Әлем тарихы және қоғамдық пәндер кафедрасының оқытушылары мен студенттері қатынасты. - 2013 жылдың 18 қарашасында Л.Н.Толстой атындағы Қостанай облыстық ғылыми әмбебап кітапханасында Қостанай облысы мұрағат ісінің 90-жылдығына арналған «Ғалымдар шақырады» клубы қызметі шеңберінде «Қостанай облысының мұрағат, мұражай және кітапхана қорлары: өлке тарихын зерттеудегі ролі» тақырыбында дөңгеле стол өткізіліп, оған кафедра меңгерушісі, т.ғ.к. С.В.Самаркин мен т.ғ.к., доцент Я.К.Духин қатынасты.
2013 жылдың 6 желтоқсаны күні сағат 15:00-де 210 аудиторияда тарих және өнер факультеті Қазақстан тарихы кафедрасының ұйымдастыруымен «Ұлт-азаттық қозғалыстардың теориялық мәселесіне жаңаша көзқарас (ХҮІІІ ғ.-1992 жж. аралығы)» атты облыстық деңгейде онлайн-конференция өтті.
Жаналықтар