5 жылы 6 наурызда кафедра апталығы аясында сағат 15.00-де Қостанай мемлекеттік педагогикалық институтының студенттер үйінің акт залында жаратылыстану - математика факультетінің «Информатика және компьютерлік технологиялар» кафедрасының кураторларымен «Жайдарман» ойыны өтті. Ұйымдастырушы аға оқытушылар Даулетбаева Г.Б., Айтбенова А.А., Цыганова А.Д., Радченко Т.А. және информатика мамандығының І–ІІІ курс студенттері.
24 ақпанда Қостанай мемлекеттік педагогикалық институтының спорт залында «ҚМПИ» құрама командасы мен Қостанай облыстық «STAR» азербайжан диаспорасының командасы арасында шағын футболдан жолдастық кездесу өтті. Кездесу Қазақстан халқы ассамблеясының 20 жылдығына арналып, «ҚМПИ» командасы 12-7 ұпай есебімен жеңіске жетті.
21 ақпан күні Қостанай мемлекеттік педагогикалық институтының спортзалында студенттер үйінде тұратын студенттер арасында «Көңілді старт» атты эстафеталық турнир өтті. Жалпы эстафетаның мақсаты: студенттерді саламатты өмір салтына тарту. Турнирге студенттер үйінен – «Оқжетпес», «512», «Максимум», «Бірлік», «Сұңқар» командалары қатысты. Командалар әр – түрлі сайыстардан өтіп ең мықтысың әділ қазылар алқасы шешті. Жалпы бірінші орынға ие болған 1 курс студенттерінен құралған «Оқжетпес» командасы жеңіске жетті.
2015 жылғы 16 ақпанда Қостанай мемлекеттік педагогикалық институтында «Нашақорлықтың алдын алу» тақырыбында институт студенттерінің құқық қорғау органдары және наркологиялық диспансер қызметкерлерімен кездесуі өтті. Кездесуде Қостанай облыстық Ішкі Істер Департаменті Наркобизнеспен күрес жөніндегі басқармасының қызметкері А.А.Кабиденова баяндама жасады.
2015 жылдың 23 қаңтарында ҚМПИ ректорының кеңесшісі Г.И. Шаймерден техникалық-экономикалық колледждердің оқытушыларына арналған семинар жұмысына қатысып, «ҚР ұлттық қауіпсіздігіне қауіп төндіретін деструктивті діни ағымдардың қызметі» тақырырыбында лекция оқыды. Осы семинардың жұмысына ҚМПИ ақпараттық-үгіттеу тобының мүшелері К.К. Абильмаликов және Д.А. Абенов қатысты. К. Абильмаликов өз баяндамасын деструктивті діндерге тарту әдістерін талдауға арнады, ал Д. Абенов баяндамасында этносаралық қатынастарға діннің ықпалын қарастырды
2014 жылғы 12 желтоқсанда Қостанай мемлекеттік педагогикалық институтында Қазақстан Республикасының Тәуелсіздігіне арналған салтанатты іс-шара өтті. Институт ректоры, профессор Қ.Баймырзаев мерекемен құттықтап, сөз сөйледі. Мерекеге орай институт оқытушылары ректордың құрмет грамотасымен марапатталды. Сонымен қатар белсенді студенттерге де грамоталар тапсырылып, ақшалай сыйлықтар берілді. Іс-шара мерекелік концертпен аяқталды.
2014 жылдың 23-24 қазан күндері облысымыздың белді оқу орындарының бірі, қара шаңырақ Қостанай мемлекеттік педагогикалық институт өзінің 75 жылдық мерей тойын атап өтті. Институт қабырғасында осы айтулы мерекеге орай көптеген іс-шаралар жоспарланып, өткізілді. 23 қазан күні «Заманауи жоғары оқу орнындағы тәрбие жұмысы» тақырыбында халықаралық ғылыми-практикалықконференция өтті. Онда көптеген ғалымдар өз докладтарымен мінберге шықты: 1. Ахметов Тілеген Әлмұханұлы – тәрбие жұмысы және әлеуметтік - экономикалық мәселелер жөніндегі ҚМПИ проректоры 2. Бережнова Елена Викторовна – педагогикалық ғылымдар докторы, ММХҚИ профессоры, РБА білім стратегиясы және теориясы институтының жетекші ғылыми қызметкері, Ресей, Москва қ.
2014 жылдың 2 қыркүйегінде Қостанай мемлекеттік педагогикалық институтында жаңа 2014-2015 оқу жылына арналған салтанатты жиын өтті. Кешегі түлек, бүгінгі бірінші курс студенттері Қазақстанның жетекші жоғары оқу орындарының бірі саналатын, биылғы жылы 75-жылдық мерейтойын атап өткелі отырған оқу орнының босағасын аттады.
2014 жылдың 15-16 мамырында Қостанай мемлекеттік педагогикалық институтында ХХ облыстық жооаралық «Студенттік көктем - 2014» фестивалі өтті. Фестивальға Қостанай облысының 6 жоғары оқу орнынан делегация қатысты. А.Байтұрсынов атындағы ҚМУ, Ы.Алтынсарин атындағы Арқалық мемлекеттік педагогикалық институты, Рудный индустриалдық институты, М.Дулатов атындағы Қостанай инженерлік-экономикалық университеті, З.Алдамжар атындағы ҚӘТУ және ҚМПИ студенттері әртүрлі номинацияда өнерлерін көрсетті. Фестивальді өткізу идеясын 1995 жылы сәуір айында алғаш рет Рудный индустриалды институты ұсынған еді. Қазіргі таңда жооаралық «Студенттік көктем» фестивалі жыл сайын Қостанай облысы студент жастары арасында студенттердің рухани, мәдени жетістіктерін сақтау және арттыра түсу мақсатында дәстүрлі түрде өткізіледі.
2 мамырда Қостанай мемлекеттік педагогикалық институтының 75 жылдығына орай «Дене шынықтыру, спорт және туризм» факультетінің дайындаған мерекелік іс-шаралары қатарында Қазақстанның қуатты сарбаздарының қатысуымен Жұдырықтасудан турнир өтті. Жарыстың сот алқасын «Дене шынықтыру, спорт және туризм теориясы мен практикасы» кафедрасының оқытушысы, халықаралық санаттағы төреші Ш.К.Нұрғалиев басқарып, оған халықаралық кластағы спорт шебері, «Муай-тай бойынша Бангкок чемпионы», муай-тай бойынша әлем чемпионы, «Тайланд королі кубогі» иегері Дәулет Отарбаев (Алматы) пен халықаралық кластағы спорт шебері, муай-тай бойынша әлем чемпионаты жүлдегері, «Абылайхан белбеуі» иегері Ван Хон Тун Иван (Петропавл) сынды төрешілер белсенді көмектесті.
